"Xelq'ara ammiwi radiyosi" : dunyaning Uyghurlargha köngül bölüshi yéterlik emes

Muxbirimiz nur'iman
2020-06-24
Élxet
Pikir
Share
Print

Amérikadiki dangliq radi'o qanalliridin biri bolghan "Xelq'araliq ammiwi radiyosi" 22-iyun küni özining "Dunya" sehipiside Uyghurlarning weziyiti heqqide toxtaldi.

Riyasetchi marko wérman Uyghurlar bir qanche yildin buyan xel'araliq taratqularda qiziq nuqta boluwatqan bolsimu, lékin yene nurghun kishilerning Uyghurlarning échinishliq teqdiridin xewersiz ikenlikini tilgha aldi.

Programmigha dunya Uyghur qurultiyidin zumret'ay erkin teklip qilin'ghan bolup, u xitay emeldarliri "Barliq kursantlar oqush püttürdi" dep lagérlarning barliqini inkar qiliwatqan bolsimu, lékin milyonlighan Uyghurlarning yighiwélish lagérlirida ikenlikini alahide tekitligen. U yene xitaydin tarqalghan korona wirusi pütün dunyada milyonlighan insanlarning ölüshini keltürüp chiqiriwatqanda taziliq shara'iti nachar bolghan lagérlardiki tutqunlardin endishe qiliwatqanliqini bildürgen.

Xitay hökümiti izchil türde lagérlarni "Kespiy terbiyelesh merkizi" dep atap, lagérlarda bir milyondin üch milyon'ghiche Uyghur we bashqa milletlerning tutup turuluwatqanliqini inkar qilip kelmekte.

Toluq bet