"Xewerler heptiliki" xitayning Uyghurlargha qaratqan zulumlirigha qarshi xelq'araliq naraziliq dolquni kötürülgenlikini xewer qildi

Muxbirimiz nur'iman
2020-07-08
Élxet
Pikir
Share
Print

"Xewerler heptiliki" (NewsWeek) tori 8-iyul küni mexsus xewer bérip, Uyghurlarning nöwettiki weziyiti we xelq'araning buninggha qayturghan inkasi heqqide toxtaldi.

Xewerde yéqinda élan qilin'ghan adriyan zénzning doklatidin neqil keltürülüp, xitayning Uyghurlargha élip bériwatqanlirining op'ochuq irqiy qirghinchiliq, yeni "Nopus qirghinchliqi" ikenliki otturighan qoyulghan.

Adriyan zénizning doklatida Uyghurlar gerche pütün xitay nopusining aran ikki pirsentini teshkil qilsimu, emma hamilidarliqtin saqlinish üskünilirining 80 pirsentining Uyghur rayonida ishlitilgenliki tilgha élin'ghan. Xewerde Uyghurlarning bir qanche yil ichidila tughulush nisbitining 24 pirsent töwenligenliki, tughut yéshidiki Uyghur ayallirining peqet üch pirsentiningla pezrentlik bolghanliqi, bularning xitayning uyghularning nupusini qattiq kontrol qilish siyasitining mehsuli ikenliki otturigha qoyulghan.

Xewerde tramp hökümitining Uyghurlarning nöwettiki bu weziyitini awam köngül bölidighan shundaqla xitaygha qarshi xelq'araliq bir mesilige aylandurghanliqi eskertilgen.

Amérika tashqi ishlar ministiri mayk pompéyo xitayning Uyghurlargha qaratqan basturushini köp qétim eyiblep, béyjingning Uyghurlargha pütkül millet süpitide tutqan pozitsiyesini "Kishilik hayatning muqeddeslikige we insaniy qedir-qimmetke qilin'ghan zorawanliq" dégen idi.

Mutexessislerning bildürüshiche, birleshken döletler teshkilatigha sunulghan xitayning Uyghurlarni mejburiy emgekke salghanliqi heqqidiki yéngi doklat b d t kishilik hoquq komitétining aliy komissari mishél bachélétning üstilidiki muhim doklatlarning biri iken. Bu doklat belkim b d t xitay bilen bolghan munasiwitining buzulushigha seweb bolushi mumkin iken.

Toluq bet