«Муһапизәт гезити» уйғурлар мәсилисигә қандақ муамилидә болушниң ениқ чеграсини бекитти

Мухбиримиз әзиз
2019-07-18
Елхәт
Пикир
Share
Принт

Милйонлиған уйғурниң лагерға қамалғанлиқи дуня ахбаратидики муһим темилардин болуватқанда бу мәсилигә қарита охшимиған муамилә шәкиллири оттуриға чиқиватқанлиқи мәлум. Болупму өткән һәптә әнглийә, фирансийә, германийә, японийә қатарлиқ 22 дөләтниң б д т ға бирләшмә мәктуп йоллап, хитай һөкүмитиниң уйғурларни бастурушини қаттиқ әйиблигәндин кейин қалған дөләтләрниң бу мәсилидә қандақ мәвқәдә болидиғанлиқи җиддий синақларға дуч кәлди.

Әнглийәдики «муһапизәт гезити» 17-июл күни тәһрират мақалиси елан қилип, хәлқара мунбәрләрдә нөвәттә уйғурлар мәсилиси тоғрилиқ қандақ мәвқәдә болушниң чеграсини бекитти. Баш мақалида хитай һөкүмити «кәспий тәрбийәләш мәктипи» дегән намда болсиму етирап қилған лагерлар һәққидә барғансери көп испатлар вә шаһитларниң гуваһлиқлири оттуриға чиқиватқанда һәққанийәтни яқлиғучи барчә һөкүмәтләр вә тәшкилатлар уйғурлар мәсилиси тоғрилиқ сөз қилиш яки давамлиқ сүкүт қилип зулумға шерик болуштин бирни таллашқа чақирилди.

Мақалида хитай һөкүмитиниң 37 дөләтни, җүмлидин он нәччә ислам дөлитини сәпәрвәр қилип б д т ға қарши мәктуп йоллишини: «иқтисадий җәһәттин беқинди болуп қелишниң нәтиҗиси» дәп көрсәтти. Шуниң билән бир вақитта б д т баш катипи антонийо гуттерес нөвити кәлгәндә ши җинпиңға қаттиқрақ сөз қилишқа дәвәт қилинди.

Пикирләр (0)
Share
Толуқ бәт