"Muhapizet géziti" Uyghurlar mesilisige qandaq mu'amilide bolushning éniq chégrasini békitti

Muxbirimiz eziz
2019-07-18
Élxet
Pikir
Share
Print

Milyonlighan Uyghurning lagérgha qamalghanliqi dunya axbaratidiki muhim témilardin boluwatqanda bu mesilige qarita oxshimighan mu'amile shekilliri otturigha chiqiwatqanliqi melum. Bolupmu ötken hepte en'gliye, firansiye, gérmaniye, yaponiye qatarliq 22 döletning b d t gha birleshme mektup yollap, xitay hökümitining Uyghurlarni basturushini qattiq eyibligendin kéyin qalghan döletlerning bu mesilide qandaq mewqede bolidighanliqi jiddiy sinaqlargha duch keldi.

En'gliyediki "Muhapizet géziti" 17-iyul küni tehrirat maqalisi élan qilip, xelq'ara munberlerde nöwette Uyghurlar mesilisi toghriliq qandaq mewqede bolushning chégrasini békitti. Bash maqalida xitay hökümiti "Kespiy terbiyelesh mektipi" dégen namda bolsimu étirap qilghan lagérlar heqqide barghanséri köp ispatlar we shahitlarning guwahliqliri otturigha chiqiwatqanda heqqaniyetni yaqlighuchi barche hökümetler we teshkilatlar Uyghurlar mesilisi toghriliq söz qilish yaki dawamliq süküt qilip zulumgha shérik bolushtin birni tallashqa chaqirildi.

Maqalida xitay hökümitining 37 döletni, jümlidin on nechche islam dölitini seperwer qilip b d t gha qarshi mektup yollishini: "Iqtisadiy jehettin béqindi bolup qélishning netijisi" dep körsetti. Shuning bilen bir waqitta b d t bash katipi antoniyo guttérés nöwiti kelgende shi jinpinggha qattiqraq söz qilishqa dewet qilindi.

Toluq bet