Amérika hökümiti "Shinjang mesilisi" de bankilarni téximu qattiq nazaretke alghan

Muxbirimiz erkin
2021-07-23
Share

Amérika hökümitining yéqinda élan qilghan Uyghurlar toghrisidiki "Soda körsetmisi" de bankilarning téximu qattiq nazaretke élin'ghanliqi ilgiri sürüldi. "Yershari soda teqrizi" torining xewer qilishiche, baydén hökümiti "Soda körsetmisi" de bankilarni shinjangdiki mejburiy emgekni öz ichige alghan teminat zenjiri mesiliside téximu qattiq nazaret qilidighanliqining signalini bergen.

Amérikaning bir qanche ministirliqi 13-iyul hökümetning "Soda körsetmisi" ni yéngilap, amérika shirketlirining Uyghur élidiki kishilik hoquq depsendichilikige chétilip qélishning qanuni jawabkarliqi barliqini agahlandurghan. Bu amérikaning tunji qétim "Soda körsetmisi" de bankilarni agahlandurushi idi. "Yershari soda teqrizi" ning éytilishiche, "Soda körsetmisi" de bankilarning banka mexpiyetliki qanuni boyiche (BSA) pul-mu'amile sodisi yaki pul ‍almashturushta we yaki bashqa muwapiq usullar arqiliq bayqalghan adem etkeschilikige a'it gumanliq heriketlerni melum qilish mejburiyiti barliqi tekitlen'geniken.

"Soda körsetmisi" de yene "Amérika bankisi yaki u arqiliq soda qilidighan orunlarning kesipdashliri, shérikliri yaki tarmaq shirketliri bilen alaqiliship, amérikaning shinjang mesilisidiki teleplirining ulargha qandaq tesir körsitidighanliqini chüshinishi telep qilin'ghaniken. "Yershari soda teqrizi" ning éytilishiche, kishilik hoquq adwokatliri shu seweblik "Banka mexpiyetlik qanunining shinjang mesilisige téximu köp tedbiqlinidighanliqi" ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet