Amérika-xitay yuqiri derijilik diplomatlirining söhbitide Uyghur élidiki "Irqiy qirghinchiliq" küntertipke kelgen

Muxbirimiz erkin
2021-07-26
Share

26-Iyul xitayning tyenjin shehiride ötküzülgen amérika-xitay yuqiri derijilik diplomatlirining söhbitide, xitayning Uyghur élide sadir boluwatqan "Irqiy qirghinchiliq" we "Insaniyetke qarshi jinayetliri" mesilisi küntertipke kelgen. Melum bolushiche, söhbette amérikaning mu'awin tashqi ishlar ministiri wéndi shérman amérikaning bu mesilidiki endishilirini ipadiligen. Wéndi shérman xanim 26-iyul xitayning mu'awin tashqi ishlar ministiri shyé féng we tashqi ishlar ministiri wang yi bilen söhbet ötküzgen. Bu amérika-xitay aliy derijilik diplomatlirining bu yil 3-ayda alyaskida ötküzülgen söhbitidin kéyin 2-qétim uchrishishi bolup hésablinidu.

"Washin'gton pochtisi" gézitining xewer qilishiche, düshenbe künidiki yüzturane söhbet alyaskidiki söhbettek keskin bolmighan bolsimu, biraq terepler ‍otturisidiki keskin ‍ixtilap namayan bolghan. Amérika tashqi ishlar ministirliqi bayanatchisi nid prayis, wéndi shérmanning söhbette kishilik hoquqni, jümlidin xongkong, tibet, we "Shinjangda yüz bériwatqan 'irqiy qirghinchiliq hem insanliqqa qarshi jinayetler' ge bolghan endishisini otturigha qoyghanliqi" ni bildürgen.

Uning éytishiche, shérman yene axbarat erkinlik, xitayning tordiki herikiti, uning teywen, sherqiy we jenubiy déngizdiki herikitini otturigha qoyghan shundaqla xitayda tutup turuluwatqan amérika, kanada puqralirining mesilisi we korona wirusining kélish menbesini tekshürüshni ret qilishigha bolghan endishilirini tekitligen. Melum bolushiche, xitay terep xitay kompartiye ezaliri we ularning a'ile-tawabi'atlirigha qaritilghan wiza cheklimisini bikar qilishi, xitay rehberliri, hökümet emeldarliri we apparatlirigha qaritilghan émbargoni qaldurush, xitay oqughuchilirigha wiza cheklimisini bikar qilishini öz ichige alghan uzun bir tizimlik bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet