"Yershari we pochta" géziti: "Kanadaning yeng ichi diplomatiyesi minglighan Uyghurni xeterlik ehwalgha chüshürüp qoydi"

Muxbirimiz irade
2018-08-16
Élxet
Pikir
Share
Print

Kanadaning dangliq gézitliridin "Yershari we pochta" gézitide 16-awghust yene Uyghur mesiliside xitayni ochuq-ashkara tenqid qilishning muhimliqi tekitlen'gen bir parche maqale élan qilindi.

"Kanadaning yeng ichi diplomatiyesi minglighan Uyghurni xeterlik ehwalgha chüshürüp qoydi" dep mawzu qoyulghan mezkur maqalide 2006-yili kanada puqrasi hüseyin jélil özbékistandin tutup kétilgendin béri uning erkinlikke chiqishi üchün kanada hökümitining xitay bilen yeng ichi diplomatiyesi élip barghanliqi, kanadaning bu mesilide xitaygha ochuq-ashkara bésim ishletmigenliki seweblik "Yeng ichi diplomatiyesi" ning meghlup bolghanliqi bayan qilin'ghan.

Maqale aptori amira élghawabining qarishiche, kanadaning tashqi diplomatiyediki bundaq ajizliqi seweblik xitay hökümitining xoriki ösüp, hazir kanadadiki bashqa Uyghurlarghimu yurtlirida qalghan uruq-tughqanliri arqiliq bésim ishlitishke bashlighan.

Hüseyin jélilning délosi kishilik hoquq mesiliside xitay bilen "Yeng ichi diplomatiyesi" qilishqa bolmaydighanliqining eng yaxshi misali bolup, herqaysi dölet hökümetliri buningdin sawaq élishi, xitay hökümitining Uyghurlargha yürgüzüwatqan zulumini ochuq-ashkara tenqid qilishi we uninggha qarita tedbir élishi kérek iken.

Maqalida yene xitay hökümitining b d t irqiy ayrimichiliqqa qarshi turush komitétining 96-qétimliq yighinida Uyghur diyaridiki "Terbiyelesh" lagérlirining mewjutluqi we bashqa kishilik hoquq mesililirini pütünley inkar qilghanliqini, shuninggha qarighanda, xitayni peqet tenqidlep qoyushning yetmeydighanliqini, herqaysi döletlerning choqum qattiq tedbir qollinip, xitayning mustebit siyasetlirini özgertishke mejburlaydighan bir weziyetni shekillendürüshi kérekliki eskertilgen.

Toluq bet