Amérika kéngesh palata ezasi rubi'o tramp hökümitini Uyghur mesiliside "Magnitskiy qanuni" ni ishqa sélishqa chaqirdi

Muxbirimiz erkin
2018-09-07
Élxet
Pikir
Share
Print

Amérika jumhuriyetchi kéngesh palata ezasi marko rubi'o jüme küni amérika döletlik ammiwi radi'osi (NPR) ning ziyariti qobul qilip, tramp hökümitini Uyghur mesiliside "Yer shari magnitiskiy qanuni" ni ishqa sélish arqiliq Uyghurlarni xorlashqa ishtirak qiliwatqan xitay emeldarlirini jazalashqa chaqirdi.

U bu chaqiriqni NPR ning "Etigenlik xewerler" programmisining riyasetchisi stiwén iniskipning Uyghurlar heqqidiki mexsus ziyaritini qobul qilghanda otturigha qoydi.

U Uyghurlarning nöwettiki weziyitini teswirlep, "Dunyaning melum jayida bir milyondin artuq ademning qamaqqa élin'ghanliqi, ularning kimliki we étiqadidin waz kechürülüwatqanliqi, bu meqset üchün ularning amérika we dunyaning bashqa jayliridiki a'ile ezaliri qorqutiliwatqanliqi, eger ular qaytip kelmise yurtidiki a'ilisige néme bolidighanliqi heqqide tehdit séliwatqanliqini eskertip, tramp hökümitining buninggha qarshi xelq'ara tesir küchini qollinishi we "Yer shari magnitskiy qanuni" ni ijra qilishi kéreklikini bildürgen.

U: "Ikki nuqta bizge ayding. Biri, xitay xelq'ara tenqidni yaxshi körmeydu. Bizning xelq'ara tesirimiz nahayiti zor. Biz buni qollinishimiz kérek. Biz qollinidighan yene bir tedbir yer shari magnitskiy qanunini ijra qilishtur (bu qanun kishilik hoquqqa xilapliq qilghuchilarni jazalashqa chiqirilghan) biz bu qanunni ishlitip, mezkur rayonda bu siyasetning yürgüzülüshide jawabkarliqi bar shexslerning ismini turghuzup chiqishimiz we ulargha émbargo qoyushimiz kérek" dégen.

Marku rubi'o yene amérikining xitay mesiliside éghir xataliq sadir qilghanliqini bildürüp, burun kishilerning xitay güllense bu siyasiy échiwétishke élip baridu, dep qarighanliqi, biraq buning "Apet xaraktérlik xata mölcher" ikenliki ispatlan'ghanliqini tekitligen.

Marko rubi'o xitayning Uyghurlarni basturushigha qarshi keskin tedbir qollinishni aktip teshebbus qilip kéliwatqan siyasetchilerning biri. U ötken hepte awam we kéngesh palatalirining 16 neper ezasi bilen birge tashqi ishlar ministiri mayk pompé'ogha mektup yézip, chén chüen'go, sün jinrong, ju xeylün shöhret zakir qatarliq 8 emeldarini jazalashni telep qilghan idi.

Toluq bet