Amérika Uyghur birleshmisi 11-séntebir weqesining xatire künide dunyani Uyghur mesilisige diqqet qilishqa chaqirdi

Muxbirimiz irade
2015-09-10
Élxet
Pikir
Share
Print

Amérika Uyghur birleshmisi peyshenbe küni 11-séntebir weqesining 14 yilliq xatire küni munasiwiti bilen bayanat élan qildi. Ular bayanatida, amérikidiki 11-séntebir weqeside hayatidin ayrilghanlargha teziye bildürüsh bilen birge, dunya jama'itini, térrorluqqa qarshi urushning qurbanlirigha aylandurulghan Uyghur xelqining mesilisige diqqet qilishqa chaqirdi.

Amérika Uyghur birleshmisi re'isi alim séyitof ependi bayanattiki sözide, xitay hökümitining 11-séntebir weqesini Uyghurlarning kishilik hoquqini depsende qilidighan, qoralliq zorawanliq qilip, dölet térrorluqi yürgüzidighan bahanige aylanduruwalghanliqini éytip " Xitay hökümiti emeliyette tinchliqperwer Uyghur siyasiy öktichilikini térrorluq bilen eyiblimekte" dégen.

Amérika Uyghur birleshmisi bayanatida, Uyghurlarning herqandaq shekildiki zorawanliqqa qarshi ikenlikini, emma xitay hökümitining Uyghur élida yürgüzüwatqan siyasetlirining bir qisim kishilerni radikallashturuwatqanliqini agahlandurghan we xitay hökümitini bésim siyasitini özgertip, Uyghurlar bilen di'alog ötküzüshke we shundaqla sherqiy türkistanning weziyitini yaxshilashqa chaqirghan.

Toluq bet