Uyghur sebiliri xelq'araning küchlük hésdashliqigha érishmekte

Muxbirimiz eziz
2019-09-17
Élxet
Pikir
Share
Print

Amérikadiki "Kishilik hoquqni közitish teshkilati" ata-anisi lagérlargha qamalghan Uyghur sebiylirining judaliq hesriti heqqidiki doklatni élan qilghandin kéyin amérikadiki eng chong zhurnallardin bolghan "Dewr" zhurnilimu 16-séntebir küni bu heqte obzor élan qildi.

Obzorda nöwette milyonlighan Uyghurning lagérlargha qamilishigha egiship, ghayet zor sandiki Uyghur ösmürlerning daril'étam yaki yataqliq mektep namidiki mu'essesilerge bend qilin'ghanliqi, balilarni mushundaq jaylargha yighiwélishqa kimning ruxset bergenliki yaki ularni öylirige qayturushqa qaysi orunning ige bolidighanliqi heqqide héchqandaq kishining jawab bérelmeydighanliqi alahide éytilidu.

Obzorda bu xildiki ösmürlerning atalmish yataqliq mekteplerdiki hayati "Balilarning eng eqelliy heqliri we medeniyet miraslirigha warisliq qilish heqlirining tartiwélinishi bedilige dawam qilmaqta" dep körsitilidu. Shuningdek amérika tashqi ishlar ministiri mayk pompéyoning "Xitayning Uyghurlargha qiliwatqanliqi 21-esirning yüzige chüshken dagh" dégen sözini neqil keltüridu.

Melum bolushiche, kishilik hoquqni közitish teshkilatining Uyghur sebiyliri heqqidiki doklatini in'glizche we Uyghurche tilda tengla élan qilishi bu sahediki bir yéngiliq, dep qaralmaqta iken.

Toluq bet