Gérmaniye "Franfort géziti" Uyghur mesilisining xelq'aralashqanliqini bildürdi

Muxbirimiz erkin
2015-09-18
Élxet
Pikir
Share
Print

Gérmaniye "Frankford géziti" bangkok partlash weqesi heqqide maqale élan qilip, izchil xitayning ichki ishi, dep qarilip kelgen Uyghur mesilisining xelq'aragha kéngeygenlikini ilgiri sürdi.

"Uyghur mesilisining xelq'aralishishi" serlewhilik maqalide qeyt qilishiche, bangkok weqesining arqa körünüshidin shuni körüwélishqa bolidu, Uyghur mesilisi tereqqiy qilip, kölimi téximu zoraydi.

Maqalide, mutexessisler üchün Uyghurlarning herqandaq (térrorluq) dilogha qatniship qélishi bi'aram qilarliq bir tereqqiyat. Bu qétimqi bangkok partlash weqesi yéqinqi yillardin buyan Uyghurlar qatnashqan hem xitay dölet chégrasi sirtida yüz bergen tunji térrorluq hujum. Chünki, buningdin burun musteqil sherqiy türkistan qurushqa urunup kelgen Uyghur bölgünchiler izchil xitayning ichki mesilisi, dep qarilip kelgen. Biraq bu mesile tunji qétim bashqa döletke we u yerdiki sayahetchilerge tutashti, dégen.

Maqalide yene, amérika pomona institutining Uyghur mesilisi mutexessisi dru gladnéyning sözini neqil keltürüp, kishini bi'aram qilarliq bu xil toqunushning küchiyishi xitay hökümitige Uyghurlarni téximu qattiq basturushi üchün bahane yaritip bérishi mumkin, dep körsetken.

Lékin közetküchiler, bangkoktiki partlashqa xitayning Uyghurlarni qattiq basturushi, taylandning 109 neper Uyghurni xitaygha qayturup bérishi sewebchi dep keldi.

Toluq bet