Фирансийә президенти макрон бирләшкән дөләтләр тәшкилатини уйғур райониға өмәк әвәтишкә чақирди

Мухбиримиз җәвлан
2020.09.23

Ройтрес агентлиқиниң 22-сентәбир хәвәр қилишичә, фирансийә президенти макрон 22-сентәбир бирләшкән дөләтләр тәшкилатида қилған сөзидә мәзкур тәшкилатни уйғур райониға өмәк әвәтип, уйғур мусулманлириға көңүл бөлүшкә чақириқ қилған.

Макрон сөзидә мундақ дегән: “әқәллий кишилик һоқуқ ғәрбниң башқа дөләтләрниң ишиға арилишидиған яки униңға қарши туруш үчүн қоллинидиған идийиси әмәс, бәлки бу мәзкур тәшкилатимизниң принсипи болуп, бирләшкән дөләтләр тәшкилатиға әза дөләтләрниң һәммиси бу принсип вә әһдинамиләргә қол қойған, шуңа униңға һөрмәт қилиши керәк. Фирансийә бирләшкән дөләтләр тәшкилатидин уйғур райониға өмәк әвәтишни тәләп қилди. Чүнки биз һәммимиз уйғур мусулманлириниң әһвалиға көңүл бөлүшимиз керәк.”

Бу хәвәрдә йәнә бирләшкән дөләтләр тәшкилатидики мутәхәссисләр вә паалийәтчиләрниң билдүргәнлиригә асасән, уйғур районида милйондин көп уйғур мусулманлириниң лагерларға қамалғанлиқи, хитайниң уни “тәрбийиләш мәркизи” дәп атап, “әсәбий диний күчләр вә терроризмни йоқитип, кишиләрни техникалиқ тәрбийәләватимиз” дәп тәшвиқ қиливатқанлиқи қәйт қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.