Firansiye prézidénti makron birleshken döletler teshkilatini Uyghur rayonigha ömek ewetishke chaqirdi

Muxbirimiz jewlan
2020-09-23
Share

Roytrés agéntliqining 22-séntebir xewer qilishiche, firansiye prézidénti makron 22-séntebir birleshken döletler teshkilatida qilghan sözide mezkur teshkilatni Uyghur rayonigha ömek ewetip, Uyghur musulmanlirigha köngül bölüshke chaqiriq qilghan.

Makron sözide mundaq dégen: "Eqelliy kishilik hoquq gherbning bashqa döletlerning ishigha arilishidighan yaki uninggha qarshi turush üchün qollinidighan idiyisi emes, belki bu mezkur teshkilatimizning prinsipi bolup, birleshken döletler teshkilatigha eza döletlerning hemmisi bu prinsip we ehdinamilerge qol qoyghan, shunga uninggha hörmet qilishi kérek. Firansiye birleshken döletler teshkilatidin Uyghur rayonigha ömek ewetishni telep qildi. Chünki biz hemmimiz Uyghur musulmanlirining ehwaligha köngül bölüshimiz kérek."

Bu xewerde yene birleshken döletler teshkilatidiki mutexessisler we pa'aliyetchilerning bildürgenlirige asasen, Uyghur rayonida milyondin köp Uyghur musulmanlirining lagérlargha qamalghanliqi, xitayning uni "Terbiyilesh merkizi" dep atap, "Esebiy diniy küchler we térrorizmni yoqitip, kishilerni téxnikaliq terbiyelewatimiz" dep teshwiq qiliwatqanliqi qeyt qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet