Нетфиликисниң лагерларни қоллиған хитай язғучиниң әсирини сәһниләштүрүш пилани америка сиясийонлириниң қаршилиқиға учриған

Мухбиримиз әркин
2020-09-25
Елхәт
Пикир
Share
Принт

Америка нетфиликис ширкитиниң уйғур җаза лагерлирини қоллиған хитай язғучи лю сишинниң «үч җисим» намлиқ романини чатма телевизийә тиятири қилип ишләш пилани америка кеңәш палата әзалириниң қаршилиқиға учриған. «Һолливуд хәвәрчиси» гезитиниң ашкарилишичә, америка кеңәш палатасиниң марша бләкборин, рик скот, кевин кремир, марта миксалий, там тиллис қатарлиқ 5 нәпәр әзаси 23-сентәбир нетфиликисниң иҗраийә директори тәд сорондосқа мәктуп йезип, нетфиликисниң пиланиға қарши чиққан.

Уларниң тәкитлишичә, әгәр нетфиликис лю сишинниң әсирини сәһниләштүрсә, бу хитайниң уйғурларға қарита садир қиливатқан «системилиқ, ирқий қирғинчилиқ түсидики җинайити» ни «нормаллаштуруп» беридикән. Улар мәктупида лю сишинниң 2019-йили «ню-йорклуқлар» жорнилида қилған уйғурлар һәққидики сөзлирини нәқил кәлтүрүп, «дөләт мәҗлиси уйғурларға қарита садир қилиниватқан системилиқ җинайәткә җиддий қараватқан мәзгилдә биз нетфиликисниң хитай компартийәсиниң тәшвиқатини тәкрарлаватқан бир шәхс билән һәмкарлишишидин җиддий әндишә қиливатимиз» дегән.

Уларниң тәкитлишичә, «шинҗаң уйғур аптоном районидики бу қәбиһликләр алдида раһәтлик билән елинған бир ширкәт қарари мәвҗут әмәс, пәқәт җинайәткә ортақлиқ мәвҗут» икән. Лю сишин 2019-йили «ню-йорклуқлар» журнилиниң зияритини қобул қилғанда уйғурларни террорчилиқ билән әйибләп, «һөкүмәт уларниң иқтисадиға ярдәм қилип, намратлиқтин қутулушиға һәрикәт қиливатиду» дегән. Мәлум болушичә, лю сишинниң әсирини «текист оюни» намлиқ даңлиқ телевизийә чатма тиятирини ишлигән дәйвид бәнийоф билән д. Б. Вәйис синарийәләштүргәникән.

Пикирләр (0)
Share
Толуқ бәт