Nétfilikisning lagérlarni qollighan xitay yazghuchining esirini sehnileshtürüsh pilani amérika siyasiyonlirining qarshiliqigha uchrighan

Muxbirimiz erkin
2020-09-25
Élxet
Pikir
Share
Print

Amérika nétfilikis shirkitining Uyghur jaza lagérlirini qollighan xitay yazghuchi lyu sishinning "Üch jisim" namliq romanini chatma téléwiziye tiyatiri qilip ishlesh pilani amérika kéngesh palata ezalirining qarshiliqigha uchrighan. "Holliwud xewerchisi" gézitining ashkarilishiche, amérika kéngesh palatasining marsha blekborin, rik skot, kéwin krémir, marta miksaliy, tam tillis qatarliq 5 neper ezasi 23-séntebir nétfilikisning ijra'iye diréktori ted sorondosqa mektup yézip, nétfilikisning pilanigha qarshi chiqqan.

Ularning tekitlishiche, eger nétfilikis lyu sishinning esirini sehnileshtürse, bu xitayning Uyghurlargha qarita sadir qiliwatqan "Sistémiliq, irqiy qirghinchiliq tüsidiki jinayiti" ni "Normallashturup" béridiken. Ular mektupida lyu sishinning 2019-yili "Nyu-yorkluqlar" zhornilida qilghan Uyghurlar heqqidiki sözlirini neqil keltürüp, "Dölet mejlisi Uyghurlargha qarita sadir qiliniwatqan sistémiliq jinayetke jiddiy qarawatqan mezgilde biz nétfilikisning xitay kompartiyesining teshwiqatini tekrarlawatqan bir shexs bilen hemkarlishishidin jiddiy endishe qiliwatimiz" dégen.

Ularning tekitlishiche, "Shinjang Uyghur aptonom rayonidiki bu qebihlikler aldida rahetlik bilen élin'ghan bir shirket qarari mewjut emes, peqet jinayetke ortaqliq mewjut" iken. Lyu sishin 2019-yili "Nyu-yorkluqlar" zhurnilining ziyaritini qobul qilghanda Uyghurlarni térrorchiliq bilen eyiblep, "Hökümet ularning iqtisadigha yardem qilip, namratliqtin qutulushigha heriket qiliwatidu" dégen. Melum bolushiche, lyu sishinning esirini "Tékist oyuni" namliq dangliq téléwiziye chatma tiyatirini ishligen deywid beniyof bilen d. B. Weyis sinariyeleshtürgeniken.

Toluq bet