«Иқтисадшунас» журнилиниң бу һәптилик муқависи уйғур мәсилисигә беғишланди

Мухбиримиз ирадә
2020-10-15
Елхәт
Пикир
Share
Принт

Американиң нопузлуқ мәтбуатлиридин болған «иқтисадшунас» журнилиниң бу һәптилик муқависи уйғурларға беғишланди. «Уйғурларни қийнаш-кишилик һоқуқтики йәр шариви кризис» дәп мавзу қоюлған бу муқавида йәнә нурғунлиған адәмләрниң ғайәт зор тикәнлик симларға санҗилип қалғанлиқи тәсвирләнгән бир парчә образлиқ рәсим арқилиқ уйғурларниң нөвәттики вәзийити образлиқ һалда йорутуп берилгән.

«Иқтисадшунас» журнилиниң бу санида йәнә тәтқиқатчи адриян зенз тәминлигән санлиқ мәлумат асасида «уйғурларға қилиниватқан зиянкәшлик инсанийәткә қарши җинайәт» мавзулуқ бир парчә мақалиму елан қилинған болуп, адриян зенз бу һәқтә тивиттирда мундақ дегән:

«Мән ‹иқтисадшунас' қа тәминлигән йеңи санлиқ мәлуматлардин қариғанда, ата-аниси һәр иккилиси лагерға тутулған балилар йетим-йесирлар мәктәплиригә яки ятақлиқ мәктәпләргә орунлаштурулған. Шинҗаңда 2017-вә 2019-йиллири арисида бундақ мәктәпләргә 380, 000 йеңи оқуғучи қобул қилинған.»

Уйғур балилири йүзлиниватқан бу еғир паҗиә милләтниң тәқдиригә көңүл бөлүватқан һәрбир кишини қаттиқ қайғуландуруватқан бир мәсилә. Уйғур балилириниң паҗиәси арқилиқ пүткүл бир милләт йолуқуватқан хәвпниң америкадики нопузлуқ мәтбуат тәрипидин күнтәртипкә елип келиниши күчлүк алқишқа еришти.

Уйғурларға беғишланған бу муқава тивиттер қатарлиқ иҗтимаий таратқуларда нурғун қетим һәмбәһирләнди.

Пикирләр (0)
Share
Толуқ бәт