"Iqtisadshunas" zhurnilining bu heptilik muqawisi Uyghur mesilisige béghishlandi

Muxbirimiz irade
2020-10-15
Share

Amérikaning nopuzluq metbu'atliridin bolghan "Iqtisadshunas" zhurnilining bu heptilik muqawisi Uyghurlargha béghishlandi. "Uyghurlarni qiynash-kishilik hoquqtiki yer shariwi krizis" dep mawzu qoyulghan bu muqawida yene nurghunlighan ademlerning ghayet zor tikenlik simlargha sanjilip qalghanliqi teswirlen'gen bir parche obrazliq resim arqiliq Uyghurlarning nöwettiki weziyiti obrazliq halda yorutup bérilgen.

"Iqtisadshunas" zhurnilining bu sanida yene tetqiqatchi adriyan zénz teminligen sanliq melumat asasida "Uyghurlargha qiliniwatqan ziyankeshlik insaniyetke qarshi jinayet" mawzuluq bir parche maqalimu élan qilin'ghan bolup, adriyan zénz bu heqte tiwittirda mundaq dégen:

"Men 'iqtisadshunas' qa teminligen yéngi sanliq melumatlardin qarighanda, ata-anisi her ikkilisi lagérgha tutulghan balilar yétim-yésirlar mekteplirige yaki yataqliq mekteplerge orunlashturulghan. Shinjangda 2017-we 2019-yilliri arisida bundaq mekteplerge 380, 000 yéngi oqughuchi qobul qilin'ghan."

Uyghur baliliri yüzliniwatqan bu éghir paji'e milletning teqdirige köngül bölüwatqan herbir kishini qattiq qayghulanduruwatqan bir mesile. Uyghur balilirining paji'esi arqiliq pütkül bir millet yoluquwatqan xewpning amérikadiki nopuzluq metbu'at teripidin küntertipke élip kélinishi küchlük alqishqa érishti.

Uyghurlargha béghishlan'ghan bu muqawa tiwittér qatarliq ijtima'iy taratqularda nurghun qétim hembehirlendi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.