En'giliyelik bir yehudiy doxtur xitayning londondiki elchixanisigha Uyghurlar heqqide naraziliq xéti tapshurghan

Muxbirimiz erkin
2019.10.30
Share on WhatsApp
Share on WhatsApp

En'gliyede pénsiyege chiqqan bir chonglar késellikliri doxturi xitayning londondiki elchixanisigha naraziliq mektupi tapshurup, lagérdiki Uyghurlarni qoyup bérishni telep qilghan.

Melum bolushiche, shéldon pa'ul ston isimlik mezkur yehudiy doxturining bu qarargha kélishige “Washin'gton pochtisi”, isra'éliyediki “Xa'aretiz” gézitliride élan qilin'ghan Uyghurlar heqqidiki maqale, xewerler türtke bolghan.

Yéqinda “Xa'aretiz” géziti Uyghurlar heqqide uzun hejimlik bir xewer élan qilip, yighiwélish lagérlirida Uyghur ayallirining xorlashqa, basqunchiliqqa, tughmas qilishqa we hamilisini chüshürüshke uchrawatqanliqi, tutqunlarning ichki ezalirining élin'ghanliqi, bu qirghinchiliqning irqiy yoqitishni meqset qilghanliqini ilgiri sürgenidi.

Shéldon pa'ul stonning “Isra'iliye waqti géziti” de élan qilin'ghan maqaliside tekitlinishiche, uning bir musulman qiz bilen xitay elchixanisigha tapshurghan imzaliq mektupida “Xitaydiki jaza lagérlirigha qamilip, qiyin-qistaq, ölüm jazasi, tibb'iy sinaq, mejburiy tughmas qilish we omumyüzlük basqunchiliqqa uchrap, bir étnik diniy guruh süpitide weyran qilinishqa uchrawatqan musulman Uyghurlarning qoyup bérilishini soraymiz. Eger xitay medeniy milletler topqa qétilishni istise, bashqa insanlargha hörmet qilishi yaki özlirige hörmetsizlik qilmasliqi kérek” déyilgen.

Uning “Isra'iliye waqti géziti” diki “Hijap, sharpa we yüttürüp qoyghan Uyghur namayishi” serlewhilik maqaliside, Uyghurlar duch kelgen teqdirning yehudiylargha tonushluq ikenliki, deslepki waqitta natsistlarning jaza lagérlirigha da'ir xewerlerge héchkim ishenmigenliki, dunyaning yehudiylargha yardem qilmighanliqi, halbuki hazir dunya Uyghurlarning ehwaligha ishensimu, biraq yéterlik yardem qilmaywatqanliqini, shunga özining ötken hepte london downing kochisidiki en'giliye bash ministirliq mehkimisining aldida ötküzülidighan namayishqa qatnishishni qarar qilghanliqini bildürgen. Lékin, shéldon pa'ul stonning bildürüshiche, u downing kochisida namayishchilarni uchritalmighan. Shuning bilen bu yerde uchriship qalghan bir musulman qiz bilen xitay elchixanisigha bérip, naraziliq mektupi tapshurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.