Uyghur kishilik hoquq teshkilati prézidént trampni Uyghur mesilisini muhim orun'gha qoyushqa chaqirdi

Muxbirimiz erkin
2017.11.06

Amérika Uyghur kishilik hoquq qurulushi teshkilati düshenbe küni bayanat élan qilip, amérika prézidénti trampni xitay bilen bolghan di'alogida kishilik hoquqni muhim orun'gha qoyushqa, “Sherqiy türkistandiki éghir kishilik hoquq ziyankeshlikliri” ni otturigha qoyushqa chaqirghan.

Prézidént tramp 3‏-noyabirdin bashlap özining yaponiye, jenubiy koréye, xitay, filippin, wiyétnam qatarliq döletlerde élip baridighan 11 künlük ziyaritini bashlighan.

Kishilik hoquq qurulushi teshkilati bayanatida, xitayning torgha bolghan cheklime, axbarat we ilmiy sahege bolghan idé'ologiyilik kontrolluq, diniy erkinlik we yighilish erkinlikini cheklesh, adwokatlarni basturushni kücheytkenliki, bolupmu “Sherqiy türkistanda öz puqralirining idiyesini kontrol qilish we qorqutushning shiddetlik hem ashkara élip bériwatqanli” qini bildürgen.

Bayanatta mundaq déyilgen: “Hökümet on yillardin béri Uyghurlargha yoshurun bölgünchi mu'amilisi tutup keldi. Ularning ana tili, diniy étiqad qatarliq jehetlerde öz kimlikini ipadilishi basturuldi. Yéqinqi bir qanche yildin béri, bolupmu chén chü'en'go 2016‏-yili hoquq tutqandin béri kishilik hoquq weziyiti téximu nacharlashti. Bu yil zor bir türküm Uyghurlar qayta terbiyelesh lagérlirigha ewetildi. Ular bu lagérlarda muddetsiz tutup turuldi we bir qismi héchqandaq sot qilinmay qamaq jazalirigha höküm qilindi”.

Uyghur kishilik hoquq qurulushi teshkilati bayanatining axirida, prézidént trampni amérikaning xitay siyasitide we uning xitay bilen bolghan di'alogida kishilik hoquq hem Uyghurmesilisini muhim orun'gha qoyushqa, qanunluq we tinch siyasiy, diniy pa'aliyetlerni ashqunluq we térrorluq bilen arilashturup qoymasliqqa, türmidiki Uyghur öktichi ziyaliy ilham toxtining mesilisini otturigha qoyushqa chaqirghan. Prézidént trampning xitay ziyariti 8‏-noyabir bashlinidu. U 4‏-noyabir küni yaponiyege yétip barghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.