Amérika rehberliri “Amérika-xitay diplomatiye we xewpsizlik di'alogi” da Uyghur mesilisini otturigha qoyushqa chaqirildi

Muxbirimiz irade
2018.11.08

Melum bolushiche, 9-noyabir küni amérika we xitay rehberliri washin'gtonda uchriship, “Amérika-xitay diplomatiye we xewpsizlik di'alogi” ötküzidighan bolup, bu uchrishishta amérika tashqi ishlar ministiri mayk pompéyo we amérika dölet mudapi'e ministiri jim mettisler xitay hey'iti bilen uchrishidiken.

Yighin harpisida amérikidiki Uyghur kishilik hoquq qurulushi bayanat élan qilip, amérika rehberlirini Uyghur mesilisi boyiche hazirghiche körsitip kelgen keskin meydanini bu yighindimu körsitishke chaqiriq qildi. Ular bayanatida “Amérika tashqi ishlar ministiri mayk pompiyo bilen mudapi'e ministiri jim mettisler choqum amérikining xitayning Uyghurlargha qaratqan qattiq qol basturushlirigha diqqet qiliwatqanliqini bildürüp qoyushi, amérikining buni erkin we ochuq bolghan hindi-tinch okyan siyasitige xilap, dep qaraydighanliqini uqturup qoyushi kérek,” dégen.

Jenwede chaqirilghan xitayning kishilik hoquq weziyitige qarap chiqish yighinida jem'iy 24 dölet xitay hökümitining Uyghurlargha yürgüzüwatqan éghir bésim siyasitini tenqid qilghan. Buning ichide amérika, shiwitsariye we gérmaniye qatarliq jem'iy 14 dölet éniq qilip xitay hökümitini lagérlarni taqashqa chaqirghan idi. Uyghur kishilik hoquq qurulushining bashliqi ömer qanat ependi mezkur bayanattiki sözide yuqiriqi döletlerge teshekkürini ipadilesh bilen birge ularni xitay bilen bolghan herqandaq diplomatik uchrishishlarda bu mesilini dawamliq tekitleshke chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.