El-jezire: ‏ "Xitay néme üchün Uyghur a'ililirini parchiliwétidu?"

Muxbirimiz shöhret hoshur
2018-11-21
Élxet
Pikir
Share
Print

Aldinqi küni "El-jezire" téléwiziyesi xitayning yighiwélish lagérlirini tesis qilish arqiliq néme üchün Uyghur a'ile ezalirini bir-biridin ayriwétip barghanliqi heqqide bir söhbet xatirisi élan qildi.

Programma washin'gtondiki Uyghur pa'aliyetchi tahir iminning xitay saqchilirining tehdit sélishi bilen ürümchidiki qizi we ayali bilen körüshelmeywatqanliqi heqqidiki tonushturush bilen bashlan'ghan. Söhbette radiyomiz muxbiri gülchéhre özi qiliwatqan muxbirliq xizmiti seweblik wetinidiki a'ile-tawabi'atliri we uruq-tughqanliridin 20 nechche kishining lagérda ikenlikini otturigha qoyghan.

"El-jezire" de tonushturulushiche, b d t kishilik hoquqni közitish komitétining b d t diki mu'awin diréktori aqshya kumar bilen sherqi türkistan milliy oyghinish herikitining axbarat bayanatchisi aydin enwer Uyghur rayonidiki yighiwélish lagérlirining kölimi we uning xetiri üstide melumat bergen.

Söhbet üstilidin orun alghan washin'gtondiki adwokat nury türkel xitayning Uyghur a'ile ezalirini bir-biridin ayriwétishini, ulargha özliri mensup bolmighan bir milliy kimlikni we özliri toghra körmigen bir idiyeni singdürüsh üchün ikenlikini, bir insanni qaytidin qurashturushtin ibaret bu qilmishning insanliqqa qarshi jinayet ikenlikini tekitligen. U sözide yéqinda wénsu'ila qatarliq döletlerning xitay nöwette Uyghurlarni nazaret qilishta qolliniwatqan bixeterlik jehettiki téxnikiliq eswablirini import qilip öz döletliride qolliniwatqanliqini, shunga xitayning yalghuz Uyghurlarning milliy mewjudiyiti üchünla emes, belki medeniyetlik dunyaning tinchliqi we bixeterliki üchünmu tehditke aylinip bolghanliqini eskertken.

Toluq bet