Tataristanda xitayning Uyghur élide yürgüzüwatqan bésim siyasiti tenqidlendi

Muxbirimiz irade
2018-11-22
Élxet
Pikir
Share
Print

Tataristan jumhuriyitining paytexti qazanda Uyghur élide yürgüzülüwatqan éghir kishilik hoquq depsendichilikige qarshi naraziliq sadaliri kötürülgen.

"Azadliq" radiyosining xewer qilishiche, 21-noyabir küni, tatar yashlar azadliq birleshmisining ezasi rafik kerimullin qazandiki xitay konsulxanisining aldida yalghuz kishilik namayish qilish arqiliq xitay hökümitining Uyghur élide yürgüzüwatqan basturush siyasetlirige naraziliqini ipadiligen.

Melum bolushiche, tatar yashlar azadliq birleshmisi eslide chong kölemlik namayish uyushturushni telep qilghan bolsimu, biraq qazan sheherlik da'iriler teripidin bu telipi ret qilin'ghan iken. Bu sewebtin rafik kerimollin qolida "Xitay, musulmanlarni qirishni toxtat. Bizning Uyghur, tatar, qazaq, qirghiz qérindashlirimizni qirishni toxtat!" dégen sözler yézilghan lozunka taxtisini kötürüp xitay konsulxanisi aldida yalghuz kishilik namayish qilghan.

Xitay hökümitining Uyghur élida "Yépiq terbiye" lagérlirini yolgha qoyup, bir milyondin oshuq Uyghur we bashqa musulman milletlerni soliwalghanliqi gherb ellirining küchlük tenqidige uchrimaqta. Biraq, yéqinda jenwediki b d t bash shtabida ötküzülgen xitayning kishilik hoquq weziyitige qarap chiqish yighinida gherb ellirining eksiche türkiyeni öz ichige alghan musulman döletliri hökümetliri we shundaqla öz puqraliri biwasite ziyan'gha uchrighan qazaqistan hökümitinimu bu heqte héchqandaq ipade bildürmidi.

Musulman döletlirining xitayda milyonlighan Uyghur musulmanliri rehimsizlerche basturushqa uchrawatqan bir peytte sükütte turushi xelq'ara jem'iyetning küchlük inkasini qozghighan idi.

Toluq bet