Pop fransis tunji qétim Uyghurlar mesilisini tilgha aldi

Muxbirimiz eziz
2020-11-24
Share

Xitay hökümitining Uyghurlar diyaridiki siyasiy basturush herikitide diniy amilning bir muhim mezmun boluwatqanliqi uzundin buyan melum bolsimu, katolik dunyasining eng aliy diniy rehbiri bolghan pop fransis xitay hökümitini eyiblesh mezmunida söz qilishtin özini tartip kelgenidi.

"Nyo-york waqti" gézitining 24-noyabirdiki xewiride éytilishiche, pop fransis shu küni tunji qétim Uyghurlarning ziyankeshlikke uchrawatqanliqini tekitligen. U özining mushu hepte neshrdin chiqqan kitabida "Rohin'ga musulmanliri, bichare ‍uyghurlar we yezidiler eng köp ziyankeshlikke uchrawatqan insanlardur" dégen. Pop gerche Uyghurlar heqqide bekmu tepsiliy toxtalmighan bolsimu, uning resmiy halda Uyghurlar mesilisini tilgha alghanliqi gherb dunyasida zor tesir qozghighan. Xitay tashqi ishlar ministirliqining bayanatchisi jaw lijyen bu heqte derhal inkas qayturup "Pop fransisning 'Uyghurlar ziyankeshlikke uchrawatidu' déyishi pütünley asassiz höküm. Uyghurlar bashqa milletlerge oxshashla barliq heqlerdin toluq behrimen bolghan halda bextiyar turmush kechürüwatidu" dégen.

Melum bolushiche, xitaydiki katolik épiskopini teyinlesh mesiliside pop fransis xitay hökümitining qarar chiqirish hoquqi barliqini étirap qilghanliqi üchün xelq'araning tenqidige uchrighan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet