Washin'gton pochtisi géziti: "Biz xitayning shinjangdiki qilmishini jawabkarliqqa tartishimiz kérek"

Muxbirimiz erkin
2018-11-26
Share

Amérikining "Washin'gton pochtisi" géziti 24‏-noyabir bash maqale élan qilip, amérika dölet mejlisining "Uyghur kishilik hoquq siyasiti qanuni" ni tézrek maqullishini we xitayning Uyghur rayonidiki qilmishini jawabkarliqqa tartishini telep qilghan.

Bash maqalide qeyt qilinishiche, eger "Uyghur kishilik hoquq siyasiti qanuni" maqullansa, bu Uyghur rayonidiki lagérlar we omumyüzlük teqiblesh sistémisigha ishtirak qiliwatqan xitay shirketlirini dölet mejlisige doklat qilish, bu shirketlerge émbargo qoyush, amérika fédératsiye tekshürüsh idarisining amérikidiki Uyghurlargha parakendichilik salghan xitay emeldarlirini teqib qilishining yolini achidiken.

Yéqinda amérika dölet mejlisining marku rubi'o, robért ménendez, kristofir simit qatarliq ezaliri kéngesh we awam palatalirida birla waqitta "Uyghur kishilik hoquq siyasiti qanun lahiyesi" ni otturigha qoyghan idi. Bash maqalide tramp hökümitining Uyghur rayonidiki basturushqa qarshi yéterlik tedbir almidi, dep qariliwatqanliqi we dölet mejlisining bu boshluqni toldurushi kérekliki bildürülgen. Bu, "Washin'gton pochtisi" gézitining yéqinqi 6 ay ichide bir qanche qétim bash maqale élan qilip, amérika dölet mejlisi we hökümitini xitayning Uyghur rayonidiki kishilik hoquq depsendichiliklirini jawabkarliqqa tartishqa chaqirishidur.

Bash maqalide yene yéqinda béyjingdiki 15 gherb bash elchisining chén chü'en'go bilen körüshüshni telep qilghanliqi, lékin amérika bash elchisining ulargha qétilmighanliqi, shuningdek dunyadiki musulman döletlerning naheq süküt qiliwatqanliqi, amérikining bashqa démokratik eller bilen bir meydanda turushi kérekliki bildürülgen. Bash maqalining axirida: "Xitay özining herikitini térrorluq, ashqunluqqa qarshi turush, dep aqlisimu, biraq bezi mutexessisler mölcherligendek uning shinjangdiki 20 yashtin 79 yashqiche bolghan musulman nopusining 11.5 Pirsentini qamishi uninggha ishinishni müshkülleshtürdi. On minglighan kishini qamaqqa élip, andin ularning milliti, medeniyitini yoqitishqa urunushi pütün xelqqe qaritilghan jinayet. Buni herqandaq urunush buni yoshuralmaydu" déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet