Rabiye qadir xanim amérika dölet mejlisi guwahliq yighinida Uyghurlar mesilisini otturigha qoydi

Muxbirimiz shöhret hoshur
2016-12-07
Share

Amérika dölet mejlisining xitay ishliri komitéti bügün xitaydiki insan heqliri weziyitining ötmüshi we kélechiki dégen témida guwahliq yighini ötküzdi.

Yighinda Uyghur milliy herikiti rehbiri rabiye qadir xanim, tibetlerdin dalay lamaning wekili penpa tséring, xitay démokratchiliridin wéy jingshing, chén gu'angchéng qatarliq meshhur pa'aliyetchiler özliri tewe guruppa we milletlerning kishilik hoquq weziyiti heqqide guwahliq sözi qildi.

Yighin matériyalliridin melum bolushiche, bu qétimqi yighin yéngi hökümetni xitay siyasitini belgileshte diqqet qilish zörür bolghan sezgür mesililerdin xewerdar qilishni meqset qilghan. Yighinning béshida xitaydiki kishilik hoquq weziyitining yaxshilinishi we we döletni qanun bilen idare qilishtiki ilgirileshning amérika we xitaydin ibaret her ikki dölet xelqining bixeterliki we güllinishi bilen baghlinishliq ish ikenliki eskertilgen.

Yighinda rabiye xanim taylandtiki Uyghurlar mesilisi we ilham toxti mesilisi qatarliq nöwettiki bir qatar jiddiy mesililerni otturigha qoyush bilen birlikte, yéngi hökümetning Uyghur mesilisige téximu jiddiy köngül bölüshining zörürlüki heqqide chüshendürüsh we teklip sun'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet