"Nyu-york waqti" géziti Uyghur musapirlirining panahliq mesiliside qiyniliwatqanliqini xewer qildi

Muxbirimiz erkin
2018-10-29
Élxet
Pikir
Share
Print

"Nyu-york waqti" géziti yekshenbe küni xewer élan qilip, xitayning basturushidin qéchip chiqqan, lékin panahliq mesiliside qiyniliwatqan Uyghurlarning mesilisini otturigha qoydi.

Xewerde siyasiy panahliq iltimasi ret qilinip, xitaygha qaytip kétishi telep qilin'ghan bir Uyghur a'ilisining ehwali tonushturulghan.

Xewerde bayan qilinishiche, nöwette abduqadir yasin isimlik Uyghur musapiri we uning a'ilisi xitaygha qayturulushtin qutulghan bolsimu, emma uning qanunluq bir salahiyetke érishishi éniqsizken.

"Ular xitayning basturushidin qéchip qutuldi, emma éniqsizliq ichide kütmekte" serlewhilik xewerde, abduqadir we uning a'ilisi bu xil éniqsiz qismetke duch kéliwatqan Uyghur musapir a'ililirining biri ikenliki tekitlen'gen.

Xewerde Uyghur musapirlirining da'im bu xil éniqsizliq, xitaygha qayturulush xewpi, turush ruxsiti mesilisi, yurtidiki a'ile ezaliridin ensiresh qatarliqlar ichide yashaydighanliqi bildürülgen.

Abduqadir yasin 2015‏- yili ayali we bir balisi bilen shiwétsiyege kélip siyasiy panahliq sorighan, biraq uning panahliq iltimasi ret qilin'ghan. Shuning bilen u gérmaniyege bérip panahliq tiligen. Léki, gérmaniye uning shiwétsiyede panahliq sorighanliqini ilgiri sürüp, yéqinda uni shiwétsiyege qayturuwetken. Shiwétsiye bolsa xitaygha qaytip kétishini telep qilghan. Biraq, shiwétsiye köchmenler idarisi 10‏-ayda shiwétsiyediki kishilik hoquq teshkilatlirining telipi bilen Uyghur musapirlirini xitaygha qayturushni toxtatqan idi.

Xewerde, abduqadir we uning a'ilisi xitaygha qayturulushtin qutulghan bolsimu, biraq uning shiwétsiyede qélishi yenila éniqsiz ikenliki bildürülgen. Abduqadirning qarishiche, shiwétsiye köchmenler idarisidiki xadimlar Uyghurlarning weziyitini chüshenmeydiken.

U "Nyu-yorktiki- york waqti" gézitining muxbirigha: "Biz yenila xatirjem emes. Lékin men xewerlerde kishilerning yurtimizda néme boluwatqanliqini chüshinishke bashlighanliqini körüp xushal boldum" dégen.

Toluq bet