Хитай билән тайланд уйғур мусапирлириға қарши һәмкарлиқни күчәйтишкә келишти

Мухбиримиз әркин
2014-12-24
Share

Хитай һөкүмити чаршәнбә күни тайланд билән қанунсиз көчмәнләргә қарши һәмкарлиқни күчәйтишкә келишкәнликини билдүрди. Икки тәрәп уйғурларниң исми тилға елинмиған болсиму, бирақ тайланд уйғур мусапирлирини тутуп турған мәзгилдә бундақ бир келишим һасил қилиши диққәт қозғиди.

Нөвәттә, хитай һөкүмити тайланд көчмәнләр лагерлиридики 300 дәк мусапирниң уйғур икәнлики, уларниң “җуңголуқ” икәнлики ениқланса қайтуруп беришни тәләп қилидиғанлиқини билдүрүп кәлгән. Қанунсиз көчмәнләргә қарши һәмкарлиқ пикри тайланд баш министири праюс чаночаниң икки күнлүк бейҗиң зияритидә имзаланған икки тәрәп қошма ахбаратида оттуриға қоюлған.

Хитай ташқи ишлар министирлиқи чаршәнбә күни икки тәрәп имзалиған қошма ахбаратни елан қилди. Қошма ахбаратта, “икки тәрәп қанунсиз көчмәнләр, зәһәрлик чекимлик әткәсчилики, террорлуқ вә чегра һалқиған җинайәтләрниң алдини елиш вә йоқитишта һәмкарлиқни күчәйтиду” дейилгән.

Кишилик һоқуқ тәшкилатлири тайланд даирилирини хәлқара мусапирлар әһдинамисигә әмәл қилишқа чақирип, мусапирларни хитайға қайтурмаслиқини, қайтурулса уларниң һаяти тәһдиткә учрайдиғанлиқини агаһландуруп кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт