Xitay bilen tayland Uyghur musapirlirigha qarshi hemkarliqni kücheytishke kélishti

Muxbirimiz erkin
2014-12-24
Share

Xitay hökümiti charshenbe küni tayland bilen qanunsiz köchmenlerge qarshi hemkarliqni kücheytishke kélishkenlikini bildürdi. Ikki terep Uyghurlarning ismi tilgha élinmighan bolsimu, biraq tayland Uyghur musapirlirini tutup turghan mezgilde bundaq bir kélishim hasil qilishi diqqet qozghidi.

Nöwette, xitay hökümiti tayland köchmenler lagérliridiki 300 dek musapirning Uyghur ikenliki, ularning “Junggoluq” ikenliki éniqlansa qayturup bérishni telep qilidighanliqini bildürüp kelgen. Qanunsiz köchmenlerge qarshi hemkarliq pikri tayland bash ministiri prayus chan'ochaning ikki künlük béyjing ziyaritide imzalan'ghan ikki terep qoshma axbaratida otturigha qoyulghan.

Xitay tashqi ishlar ministirliqi charshenbe küni ikki terep imzalighan qoshma axbaratni élan qildi. Qoshma axbaratta, “Ikki terep qanunsiz köchmenler, zeherlik chékimlik etkeschiliki, térrorluq we chégra halqighan jinayetlerning aldini élish we yoqitishta hemkarliqni kücheytidu” déyilgen.

Kishilik hoquq teshkilatliri tayland da'irilirini xelq'ara musapirlar ehdinamisige emel qilishqa chaqirip, musapirlarni xitaygha qayturmasliqini, qayturulsa ularning hayati tehditke uchraydighanliqini agahlandurup kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet