Radiyomiz Uyghur bölümi muxbirlirining a'ile-tawabi'atlirining tutqun qilinishi diqqet qozghidi

Muxbirimiz shöhret hoshur
2018-02-28
Share

Bügün "Washin'gton pochtisi" géziti radiyomiz Uyghur bölümi muxbirlirining biwasite uruq-tughqanlirining xitay da'iriliri teripidin tutqun qilin'ghanliqi heqqide bir parche mexsus xewer élan qildi.

Mezkur xewer xelq'araliq zhurnalistlarni qoghdash jem'iyitining diqqitini tartti we ularni heriketke keltürdi. Mezkur jem'iyet weqe heqqide derhal bayanat élan qilip, "Xitay hökümitining zhurnalistlarning a'ile-ezalirini jazalishi zorawanliqta heddidin ashqanliqtur," dep eyiblidi. Bayanatta tutqunlarning nediliki, salametlik ehwali, qanuniy salahiyiti heqqide melumat bérishke we ularni derhal qoyup bérishke chaqiriq qilindi.

"Washin'gton pochtisi" gézitining bügünki bu heqtiki xewiride Uyghur bölümidiki 4 neper muxbirning biwasite a'ile-ezaliridin 9 kishining tutqunda ikenliki we buninggha ularning Uyghur diyari heqqide ishlewatqan xewerlirining seweb bolghanliqi bayan qilin'ghan idi.

Zhurnalistlar jem'iyiti bügünki bayanatida muxbir gülchéhrening balnitsida dawaliniwatqan dadisi bilen birlikte uruq-tughqanliridin jem'iy 20 nechche kishining tutqunda ikenliki üstide alahide toxtaldi.

"Washin'gton pochtisi" gézitining bügünki xewiride xitayning erkin asiya radi'osi Uyghur bölümi muxbirlirining Uyghur diyaridin téléfon arqiliq ehwal igilishini awaz tonush téxnikisi bilen cheklewatqanliqinimu tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet