Xitay da'iriliri Uyghur nawaychiliqini monopol qilishqa we uni zawutlashturushqa bashlighan

Muxbirimiz erkin
2020-08-21
Share

Xitay da'iriliri Uyghur diyarida chong kölemlik nawaychiliq zawutlirini qurup, Uyghurlarning en'eniwi yémeklik kespiy bolghan nawaychiliqni monopol qilishqa bashlighan.

Melum bolushiche, da'iriler buningdin kéyin shexsiy nawayxanilarni cheklep, puqralarning nan'gha bolghan éhtiyajini chong kölemlik nawaychiliq zawutliri arqiliq bir tutash teminleydiken. Közetküchiler, bu xitay da'irilirining Uyghurlarning musteqil yekke igilik kesiplirini yoqitip, Uyghurlarning kündilik turmushidiki eng asasliq istémal buyumlirining teminatinimu monopol qilishqa bashlighanliqini tekitlimekte.

Xitay taratqulirining bildürüshiche, nöwette bu xil nawaychiliq zawutliri Uyghur diyarining jenubidiki qeshqer, aqsu, xoten, qizilsu qatarliq wilayet, oblastlarda keng kölemde qurulmaqta iken. Shinxu'a agéntliqining 20-awghust bergen xewiride peyziwat nahiyesidiki "Nan medeniyiti ishlepchiqirish baghchisi" da 1000 kishining ishleydighanliqi, birla waqitta 360 tonurda nan yéqilidighanliqi ilgiri sürülgen.

Xewerde 2019-yili 11-ayda qurulghan mezkur "Nan medeniyiti baghchisi" ning ilgiri tarqaq halettiki Uyghur nawaychiliq igilikini birlikke keltürüp, ishqa orunlishish pursiti we nan teminat halqisini kéngeytkenliki, nan bilen bir tutash teminleshni ishqa ashurghanliqi tekitlen'gen. Lékin Uyghur kishilik hoquq pa'aliyetchilirining tekitlishiche, xitay hökümiti Uyghur yekke nawayxanilirini yoqitip, burunqi musteqil Uyghur nawaylirini "Nan medeniyiti ishlepchirish baziliri" namidiki karxanilargha yighiwélip, ularni erkin kasipliq pursitidin mehrum qilmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.