Uyghur élidiki bir tor merkizining chet'el torliridiki Uyghur tilida élan qilin'ghan mezmunlarni toplaydighanliqi ashkarilandi

“Washin'gton pochtisi” géziti xitayning intérnét sanliq melumatlirini nazaret qilish torining asasliq bir qismini sirtqa qaratqanliqi, féysbok, tiwittérni öz ichige alghan gherb ijtima'iy taratqulirini qézip, özining hökümet organlirini, herbiy we saqchi tarmaqlirini chet'el nishanlirigha a'it uchurlar bilen teminleydighanliqini bildürdi. “Washin'gton pochtisi” ning ashkarilishiche, bu nazaret tori Uyghur tilidiki mezmunlarnimu öz ichige alidiken.

Xewerde, xitayning chet'el ijtima'iy taratqulirida élan qilin'ghan Uyghur tilidiki mezmunlarnimu toplap, kataloglashturidighanliqi bildürülgen. Mezkur gézitning éytishiche, ular xitayning buninggha da'ir da'ir yüzligen höjjet, toxtam we shirket arxiplirini körüp chiqqan. Xewerde, xitayning nazaret yumtalliri nuqtiliq xitay ichidiki tor abuntlirigha we taratqulirigha qaritilsimu, biraq xitayning 2020-yildin bashlap chet'el ijtima'iy taratquliridin uchur toplaydighan yumtallarni layihileshke a'it 300 din artuq hökümet programmisigha da'ir höjjet hem toxtamlar körüp chiqilghanliqi bildürgen.

Xewerde éytilishiche, bu yumtallar xitay dölet taratqulirining 320 ming dollarliq chet'el zhurnalistliri hem tetqiqatchilirining sanliq melumatini toplash, béyjing saqchi idarisining 216 ming dollarliq gherbning xongkong, teywen toghrisidiki inkaslirini analiz qilish, shundaqla Uyghur élidiki bir tor merkizining chet'eldiki ‍ijtima'iy taratqularda élan qilin'ghan Uyghur tilidiki mezmunlarni toplap, kataloglashturush programmilirini öz ichige alidiken. Xewerde, mutexessislerning “Ilghar tor nazaret téxnikisi xitay saqchilirining chet'eldikilerge nishanliq parakendichilik sélishini téximu éghirlashturushi mumkin” dégenliki'i bildürülgen.