Уйғур аптоном районидики нефит ишләпчиқиришиниң йеримини дегүдәк хитайниң "җуңго нефит ширкити" игилигән

Мухбиримиз әркин
2020-01-06
Share

Уйғур аптоном райониниң 2019‏-йилдики хам нефит ишләпчиқиришиниң йеримини дегүдәк хитайниң "җуңго нефит ширкити" гә қарашлиқ "шинҗаң нефит ширкити" игилигән һәмдә униң йиллиқ ишләпчиқириш миқдарини давамлиқ арттурған. "хитай хәвәрләр" ториниң ашкарилишичә, "шинҗаң нефит ширкити" 2019‏-йили 12 милйон 470 миң тонна хам нефит, 2 милярд 930 милйон күп метир тәбиий газ ишләпчиқарған болуп, униң өткән йили ишләпчиқарған сап хам нефит мәһсулати алдинқи йилқидин бир милйон тонна артқан.

Көзәткүчиләр бу хитай һөкүмити 3 милйондәк уйғурни лагерларға қамап, уйғур җәмийитигә қарита омумйүзлүк тәқибләш елип бериватқан бир мәзгилдә хитайниң мәзкур районниң нефит, тәбиий газ енергийәсигә болған еһтияҗи вә қезиш сүритиниң давамлиқ тезлишиватқанлиқини көрситиду, дәп қаримақта.

Уйғур аптоном районидики нефит, тәбиий газ енергийә байлиқини "җуңго нефит ширкити" дәк хитай дөләт карханилириниң монопол қилип, бу саһәдики юқири маашлиқ хизмәт орунларға хитайларни қобул қилиши уйғур кишилик һоқуқ тәшкилатлириниң изчил тәнқидигә учрап кәлгән иди.

2019‏-Йили уйғур аптоном районида ишләпчиқирилған бир йиллиқ омумий нефит мәһсулатиниң аз кәм йеримини дегүдәк "җуңго нефит ширкити" ниң "шинҗаң нефитлики" тармақ ширкити игилигән.

"хәлқара енергийә тори" ниң өткән йили елан қилинған бир хәвиридә қәйт қилинишичә, уйғур аптоном райониниң 2019‏-йилиниң дәсләпки 6 ейида ишләпчиқарған омумий хам нефит мәһсулати 13 милйон 782 миң тонна болуп, бу алдинқи йилқидин 2. 4 Пирсәнт артқан. Униң 2019‏-йилниң кейинки 6 ейида ишләпчиқарған омумий хам нефит мәһсулати техи мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт