Uyghur éli we ningshyaning yuqiri derijilik emeldarliri béyjingni "Xelq'ara térrorluq" ning tehditidin agahlandurghan

Muxbirimiz qutlan
2017-03-13
Share

Yéqinda Uyghur aptonom rayoni bilen ningshya tunggan aptonom rayonining yuqiri derijilik emeldarliri béyjingni "Xelq'ara térrorluq" ning yéngi tehditidin agahlandurghan.

Birleshme agéntliqning bügün béyjingdin bergen xewirige qarighanda, Uyghur aptonom rayonluq siyasiy-qanun komitétining mu'awin sékrétari sarqat aqan "Xelq'ara térrorluq" ning yamrap kirishining aldini élish üchün bir meydan "Xelq urushi" élip bérish teklipini bergen.

Xewerde déyilishiche, Uyghur aptonom rayonluq da'iriler yéterlik pakit körsetmey turupla el-qa'ide yaki "Islam döliti"ge chétishliq bolghan Uyghur hujumchilarning chégra atlap xitaygha hujum qilish éhtimalini tilgha alghan.

Ningshya tunggan aptonom rayonining sékrétari li jyenxwamu béyjingdiki "Ikki yighin" mezgilide béyjingni xelq'ara térrorluqning tehditidin agahlandurghan. U, trampning 6 musulman dölitidiki ahalilerning amérikigha kirishini chekligenlikini alahide tilgha élip, "Jihad we térrorluqning xelq'aralishiwatqanliqidin" ensirewatqanliqini bildürgen.

Ningshya milletler we din ishliri komitétining emeldari wu shimin bu heqte mundaq dégen: "Tungganlarning yiltizi junggoda. Diniy angni tekitleshtin burun jungxu'a éngini tekitlishimiz, milliy héssiyatni tilgha élishtin burun aldi bilen junggoluq ikenlikimizni tilgha élishimiz lazim."

Igilinishiche, yéqindin buyan xitayning tunggan rayonlirigha qaratqan diniy teqibi kücheygen bolup, közetküchiler, Uyghurlardin qalsila tungganlar xitayning diniy siyasitidiki ikkinchi nishan bolup qélishi mumkin, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.