Xitay da'iriliri yene doklat élan qilip, Uyghur nopusini kontrol qilghanliqini inkar qildi

Muxbirimiz erkin
2021-01-08
Share

Xitayning Uyghur élidiki "Shinjang tereqqiyat tetqiqat merkizi" doklat élan qilip, xitay hökümitining Uyghur nopusini kontrol qilghanliqi we Uyghur nopusining aziyip ketkenlikini inkar qildi. Doklatta tekitlinishiche, Uyghur nopusi 1949-yildin 2018-yilghiche izchil köpiyip kelgeniken. Doklatta Uyghur nopusining tughulush we tebi'iy köpiyishi 2017-yildin bashlap téz chüshüshke bashlighanliqi'i étirap qilin'ghan bolsimu, biraq uning sewebi bashqa amillargha baghlap chüshendürülgen.

Doklatta tekitlinishiche, uninggha diniy radikalliqning yaxshi kontrol qilinishi, pilanliq tughut siyasitining "Toghra ijra qilinishi, Uyghur er-ayallirining perzent körush, nikah mesililiridiki idiyesining özgirishi" qatarliq amillar seweb bolghaniken. Bu doklat xelq'arada xitay Uyghur ayallirini tughmas qilip, "Irqiy qirghinchiliq" élip bérish bilen eyibliniwatqan mezgilde élan qilindi. Yéqinda amérika tashqi ishlar ministiri mayk pompéyoning buyruq chüshürüp, xitayning "Irqiy qirghinchiliq" sadir qilghan-qilmighanliqini bahalashni telep qilghanliqi ilgiri sürülgen.

Xitayning doklatida, Uyghur nopusining 2017-yildin burunqi ehwali sözlinip, uning yéqinqi 3 yilliq ehwali, milyonlighan Uyghurning lagér we türmilerge qamilishining nopus tereqqiyatigha körsetken tesiri, Uyghur er-ayallirining perzentlik bolush we nikah mesililiridiki idiyesining 2017-2018-yilliri ichide tuyuqsiz özgirip kétishidek halqiliq so'allargha jawab bérilmigen. Doklattiki sanliq melumatlar téximu guman peyda qilghan bolup, uningda Uyghur éli nopusining 2010-yildin 2018-yilghiche 25.04% Köpeygenliki, biraq 2018-yili tughulush nisbitining 10.69% Ge, tebi'iy köpiyishning 6.13% Ke chüshkenliki ilgiri sürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet