Xitay Uyghur aptonom rayonining nopusi 23 milyon 600 minggha yetkenlikini élan qildi

Muxbirimiz erkin
2016-02-10
Élxet
Pikir
Share
Print

Uyghur aptonom rayonluq hökümet mezkur rayonning omumiy nopusi 2015‏-yilning axirlirida 23 milyon 600 minggha yétip, bir yilda 610 ming köpeygenlikini élan qildi. Da'iriler bu sanliq melumatni yéqinda ötküzgen "Shinjangning 2015‏-yilliq milliy iqtisadi pa'aliyet ehwali" serlewhilik axbarat yighinida jakarlighan.

Yighinda rayonning nopus qurulmisidiki bir yilliq omumiy özgirish ehwali heqqide tepsiliy melumat bérilgen bolsimu, emma eng muhim halqa-her qaysi milletlerning omumiy nopus ichidiki nisbiti, tughulush-ölüsh we er-ayal nisbiti, sheher, bazarlardiki olturaq nisbiti hemde ishsizliq nisbiti tilgha élinmighan.

Mezkur melumat, Uyghur pa'aliyetchiler xitayning Uyghur rayonida nopusni muqimliq mesilisi, dep qarap, Uyghurlargha qattiq pilanliq tughut siyasiti yürgüzüsh, Uyghur nopusini qattiq kontrol qilish bilen eyiblewatqan mezgilde élan qilindi.

D u q bayanatchisi dilshat rishitning ilgiri sürüshiche, xitay hökümiti rayonda xitay ahalisining nopus jehettiki üstünlükini saqlash Uyghurlarning siyasiy teleplirige taqabil turushning ünümlük charisi, dep qaraydiken.

Uyghur aptonom rayonluq hökümet da'irilirining yighinda ashkarilishiche, rayonning 2015‏-yildiki erkek-ayallar nisbiti az kem her 103 erkekke 100 ayal toghra kelgen. Sheher, bazarlardiki da'im turushluq nopus omumiy nopusning 47.2 Pirsentini teshkil qilghan. Sheher, bazarlardiki ishsizliq nisbiti bolsa 4% ichide kontrol qilin'ghan.

Yighinda yene, rayonning 2015‏-yildiki bir yilliq tughulush nisbiti mingde 15.59, ölüsh nisbiti mingde 4.51, dep élan qilin'ghan.

Toluq bet