Уйғур районида кәлгүси 5 йилда бир милйон 350 миң адәм шәһәргә көчүп киришкә мәҗбур болидикән

Мухбиримиз әркин
2016-07-08
Share

Уйғур аптоном районида кәлгүси 5 йилда бир милйон 350 миң йеза нопуси шәһәргә көчүп кирип яшашқа мәҗбур болидикән. Йеқинда уйғур аптоном районлуқ қурулуш назарити өзиниң 13‏-бәш йиллиқ шәһәр-йеза олтурақ өй қурулуш пиланини елан қилған.

Пиланда, бир милйон 350 миң йеза нопусиниң шәһәргә көчүрүп киридиғанлиқи оттуриға қоюлған. Хитай һөкүмәт ахбарати-"тәңритағ тори" ниң хәвәр қилишичә, кәлгүси 5 йилда бир милйон 350 миң адәм шәһәр базарға көчүрүп кириши билән уйғур райони нопусиниң шәһәрлишиш нисбити 45% гә йетип баридикән.

Уйғур аптоном районида шәһәрлишишни тезлитиш, кеңәйтиш хитайниң 13‏-бәш йиллиқ пиланидики муһим нишанларниң бири. Әмма бәзи мутәхәссисләр, уйғур аптоном районида кәң көләмлик шәһәрләштүрүшни йолға қоюшқа қарши туруп кәлди.

Уларниң қаришичә, чоң көләмлик шәһәр қурулуши вә нопус йиғиндиси районниң тәбиий шараитиға мас кәлмәйду. Мутәхәссисләр, тәбиий шараит нәзәргә елинмиса, бу районниң назук екологийәсини бузуп, қурғақчилиқ, чөллишиш вә деһқанчилиқниң омумйүзлүк вәйран болушини тезлитидиғанлиқини агаһландуруп кәлгән.

Лекин қурулуш назаритиниң 13‏-бәш йиллиқ пиланида көрситишичә, 2020‏-йилға барғанда районда 11 бостанлиқ шәһәр-базар һавзиси шәкиллинип, 500 миңдин артуқ адәм яшайдиған шәһәрләр һазирқидин бир һәссә көпийидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт