Uyghur rayonida kelgüsi 5 yilda bir milyon 350 ming adem sheherge köchüp kirishke mejbur bolidiken

Muxbirimiz erkin
2016-07-08
Share

Uyghur aptonom rayonida kelgüsi 5 yilda bir milyon 350 ming yéza nopusi sheherge köchüp kirip yashashqa mejbur bolidiken. Yéqinda Uyghur aptonom rayonluq qurulush nazariti özining 13‏-besh yilliq sheher-yéza olturaq öy qurulush pilanini élan qilghan.

Pilanda, bir milyon 350 ming yéza nopusining sheherge köchürüp kiridighanliqi otturigha qoyulghan. Xitay hökümet axbarati-"Tengritagh tori" ning xewer qilishiche, kelgüsi 5 yilda bir milyon 350 ming adem sheher bazargha köchürüp kirishi bilen Uyghur rayoni nopusining sheherlishish nisbiti 45% ge yétip baridiken.

Uyghur aptonom rayonida sheherlishishni tézlitish, kéngeytish xitayning 13‏-besh yilliq pilanidiki muhim nishanlarning biri. Emma bezi mutexessisler, Uyghur aptonom rayonida keng kölemlik sheherleshtürüshni yolgha qoyushqa qarshi turup keldi.

Ularning qarishiche, chong kölemlik sheher qurulushi we nopus yighindisi rayonning tebi'iy shara'itigha mas kelmeydu. Mutexessisler, tebi'iy shara'it nezerge élinmisa, bu rayonning nazuk ékologiyesini buzup, qurghaqchiliq, chöllishish we déhqanchiliqning omumyüzlük weyran bolushini tézlitidighanliqini agahlandurup kelgen.

Lékin qurulush nazaritining 13‏-besh yilliq pilanida körsitishiche, 2020‏-yilgha barghanda rayonda 11 bostanliq sheher-bazar hawzisi shekillinip, 500 mingdin artuq adem yashaydighan sheherler hazirqidin bir hesse köpiyidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet