Amérika tashqi ishlar ministirliqi Uyghurlardiki mejburiy nopus kontrolluqini qayta tekitlidi

Muxbirimiz eziz
2020-08-19
Share

Uyghur diyarida izchil dawam qiliwatqan zor paji'elerdin mejburiy nopus kontrolluqi heqqide köpligen deliller tashqi dunyagha melum boluwatqanda amérika tashqi ishlar ministirliqi xitay hökümitining bu heqtiki munasiwetlik tedbirlirini yene bir qétim keskin tenqidlidi. 18-Awghust küni "Foks xewerliri" agéntliqining bu heqtiki ziyaritini qobul qilghanda amérika tashqi ishlar ministirliqining bayanatchisi morgan ortagus xanim bu nuqtini alahide tekitlidi.

Foks agéntliqining bu heqtiki xewiride éytilishiche, xitay hökümitining yillardin buyan herqaysi doxturxanilarda Uyghurlarni nishan qilghan mejburiy bala chüshürüwétish qilmishliri toghrisida söz qilghan morgan xanim "Biz bu qebihliklerning aqiwitidin bekmu endishe qilmaqtimiz," dégen. Shundaqla radiyomizning bu heqtiki xewiridin neqil keltürüp, doxturxanilardiki "Bowaqlarni wezipe hésabida öltürüsh" qilmishini eyibligen.

Xitay hökümiti hazirgha qeder bu heqtiki barliq eyibleshlerni ret qilip kéliwatqan bolup, téxi yéqinda bu mesililerni sistémiliq we pakitliq bayan qilip kelgen mutexessislerdin adryan zénz qatarliqlarni "Yalghanchiliq" ta eyibligen idi.

Xitay hökümitining Uyghurlarning nopusini kontrol qilish üchün türlük qebih wasitilarni qollinip kéliwatqanliqi birleshme xewerler agéntliqining tekshürüshi jeryanidimu taghdek pakitlar bilen köplep melum bolghan idi. Amérika tashqi ishlar ministirliqining bu qilmishni yene bir qétim alahide tekitlishi hemde özlirining bu mesilini yéqindin közitiwatqanliqini bildürüshi, xelq'araning bu heqtiki diqqitini yene bir qétim bu mesilige qaratqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet