Uchturpanda da'iriler ösmür balilarni tordin uzaq turush heqqide wediname yazdurghan

Muxbirimiz shöhret hoshur
2018-05-23
Élxet
Pikir
Share
Print

Uchturpan nahiyelik hökümet tor bétide élan qilin'ghan bir xewerdin melum bolushiche, da'iriler 17-may küni bir bashlan'ghuch mektepta chong bir murasim ötküzüp, oqughuchilarni tordin uzaq turush we qol téléponi oynimasliq qatarliq mezmunda wediname yazdurghan.

Xewerde déyilishiche, bu murasimgha "Yéshil kitab oqush, medeniyetni yükseltish teshwiqat pa'aliyiti" dep nam bérilgen.

Melum bolushiche murasimda bashtin axir sotsiyalistik qimmet qarashni yétildürüshning ehmiyiti we ziyanliq kitablarni oqush we uchurlarni körüshning xewp-xetiri tekitlen'gen. Xewerning oramidin qarighanda, etrapliq melumat élish we erkin pikir qilish perqliq sho'arlar arqiliq cheklen'gen bu murasimda 1500 etrapida oqughuchi bu toghrida wediname yazghan we qesem bergen.

Uyghur rayonida ötken yillarda köp sanda kishiler qol téléfonda atalmish mesile körülüp, yeni cheklen'gen mezmundiki matériyallarning körülgenliki izi bayqilip yighiwélish lagérlirigha yollan'ghan yaki qamaq jazasigha mehkum qilin'ghan idi.

Bu heqtiki éniqlashlirimiz dawamida, hetta bezi sawatsiz kishilerningmu qol téléfonida bayqalghan atalmish qanusiz yazmilar sewebidin tutulghanliqi, emeliyette, bu mesilisining ularning kichik balilirining qol téléfonini diqqetsiz halda oynishi sewebidin kélip chiqqanliqi bayan qilin'ghan idi.

Muhajirettiki bezi Uyghur közetküchiler, uchtarpanda élip bérilghan bu pa'aliyetni xitay da'iriliri Uyghur rayonida élip bériwatqan atalmish diniy esebiylikni tügitish dolqunining mekteplergimu yéyiliwatqanliqining béshariti dep qarashmaqta.

Toluq bet