Xitay Uyghur élini ottura asiya bilen asasliq soda bazisigha aylandurmaqta

Muxbirimiz ümidwar
2014-01-26
Share

Xitay gherbiy shimaldiki ölkiler ichide Uyghur aptonom rayonini ottura asiya we rusiye bilen asasliq tashqi soda alaqisi qilidighan rayon'gha aylanduriwatqan bolup, 2013 - yili Uyghur aptonom rayonining omumiy éksport - import sommmisi 27milyard 500 milyon amérika dolliridin éship ketken. Uyghur aptonom rayonining tashqi soda miqdari téz sürette ashurulghan.

Shinxu'a torining yézishiche, 2013 - yili Uyghur élining ottura asiya rayonidiki 5 jumhuriyetke qaratqan éksport sommisi 19 milyard dollardin ashqan. Qalghan asasliq éksport rusiye, iran qatarliq döletler bilen bolghan.

2013 - Yili Uyghur éli chet'el erdin 5 milyard 300 milyon dollarliq mal import qilghan.

Körüwélishqa boliduki, éksport sommisi import sommisidin zor derijide yuqiri bolghan.

Mezkur 5 milyard dollarliq import sommisi terkibige xitayning qazaqistan qatarliq ottura asiya döletliridin kirgüzidighan néfit we tebi'iy gazlirining qimmiti hésablandimu - yoq,bu éniq emes.

Uyghur diyarining chet ‘eller bilen qilghan sodisida asasliqi yénik sana'et mehsulaliri we bashqa mehsulatlar obyékt qilin'ghan, muhim salmaqni yenila chégra sodisi igileydiken.

Xitay dölet re'isi shi jinping ötken yili qazaqistanni ziyaret qilghanda, ortaq yipek yoli iqtisadiy pilanini otturigha qoyghan idi. Melum bolushiche, xitay, Uyghur élini gherbiy, ottura we jenubiy asiya, jümlidin rusiye bilen soda - iqtisadiy alaqe qilishtiki muhim baza qilishni békitken bolup, bu sahege zor meblegh ajratqan idi,

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet