Д у қ һәр қайси һөкүмәтләрни уйғур паалийәтчилириниң пикри әркинликини қоғдашқа чақирди

Мухбиримиз әркин
2019-02-18
Елхәт
Пикир
Share
Принт

Дуня уйғур қурултийи 18‏-феврал баянат елан қилип, һәр қайси дөләт һөкүмәтлирини уйғурларниң пикир вә илим әркинликини қоғдашқа чақирған.

Д у қ баянатта йеқиндин бери уйғурларға алақидар бәзи илмий паалийәтләрниң кашилиға учраватқанлиқидин қаттиқ әндишә қиливатқанлиқини әскәртип, бәзи ғәрб дөләтлиридә хитай оқуғучилириниң вә дипломатлириниң шәрқий түркистандики кишилик һоқуқ кризиси һәққидә доклат бәргән уйғур паалийәтчи һәм тәтқиқатчиларға паракәндичилик селиш вә кашила қилиш вәқәлириниң йүз бәргәнликини тәкитлигән.

11‏-Феврал күни канададики уйғур паалийәтчи руқийә турдуш канаданиң мәк-мастер университетидики мусулман оқуғучилириға уйғурлар һәққидә доклат бәргәндә бир хитай оқуғучиниң кашилиси һәм һақаритигә учриған.

Бәзи таратқуларда бу вәқәгә хитай консулханисиниң қол тиққанлиқи вә хитай оқуғучилириға көрсәтмә бәргәнлики илгири сүрүлгән иди. Д у қ баянатта, мәк-мастер университетидики вәқәниң бирдинбир һадисә әмәсликни, буниңдин бурунму фирансийәниң срасборг, америкиниң дүк университетлирида өткүзүлгән паалийәтләр хитайлар тәрипидин кашилиға учриғанлиқини билдүргән.

Баянатта йәнә дуня уйғур қурултийи рәиси долқун әйсаниң сөзи нәқил кәлтүрүлүп, «җиддий темиларни һечқандақ паракәндичиликкә, тәқибләшкә вә өч елишқа учримай, очуқ ашкара, иҗабий муназирә қилиш әркин вә баравәр бир җәмийәтниң асасидур» дейилгән.

Долқун әйса йәнә «һәр қайси һөкүмәтләрниң ипадә әркинлики вә илим әркинликни қоғдап, кишилик һоқуқ дәпсәндичиликини сөзләшкә җүрәт қилған кишиләрни зораван чәтәл күчлириниң кашилисидин қоғдаш мәсулийити барлиқи» ни билдүргән.

Пикирләр (0)
Share
Толуқ бәт