Бәзи таратқуларда уйғурларға панаһлиқ бериш мәсилиси оттуриға қоюлған

Мухбиримиз җәвлан
2021-02-12
Share

Йеқиндин буян бәзи таратқуларда "хитайниң уйғурларға йүргүзүп келиватқан җинайи қилмиши ‹ирқий қирғинчилиқ' дәп бекитилгәндин кейин, уйғурларниң һәр қайси дөләтләрдики панаһлиқ ишлири қандақ болиду? уйғурларму хоңкоңлуқларға охшаш панаһлиқ бериш сияситидин бәһримән болаламду?" дегән мәсилә муһакимә қилинишқа башлиған.

11-Феврал SupChina торида "уйғурларға панаһлиқ бериш" намлиқ бир мақалә елан қилинған болуп, "уйғурларни қоғдаш тоғра иш болупла қалмай, бәлки у наһайити яхши сиясий истратегийә" дегән нуқта йорутуп берилгән.

Бу мақалидә мундақ дейилгән: "наһайити рошәнки, уйғурлар тәсәввур қилғусиз зулумға учриди. Әмма америка һөкүмитиниң әйибләшлири уйғур вә башқа аз санлиқ милләтләргә һечқандақ ярдәм берәлмиди. Хитайниң мәқситиму шу иди. Униңдин башқа, американиң йеқинда шинҗаңдики бәзи карханиларға чәклимә қоюшиму хитайниң уйғурларға йүргүзүп келиватқан сияситини өзгәртәлмиди. Шуңа байден һөкүмити ишни яхши қилип, уйғурларни дәрһал қанат астиға алса болиду. У мәмурий буйруқ елан қилип, һазир америкада яшаватқан уйғурларға панаһлиқ берип, уларни америкада мәңгүлүк туралайдиған салаһийәткә ериштүрүши керәк. Бу уйғурларниң сани 1500дин 5000 ғичә болуп, улар хитайниң һәр түрлүк тәһдитлиригә дуч келиватиду."

Бу мақалидә көрситилишичә, 1989-йилдики "тйәнәнмеин вәқәси" дин кейин, 1992-йил буш һөкүмитиниң түрткиси билән америка дөләт мәҗлиси "хитай оқуғучилирини қоғдаш қануни" ни мақуллиған болуп, 50 миң хитай оқуғучиға йешил карта тарқитип бәргән. Бүгүнки күндә байден һөкүмитиму америка йеңи дөләт мәҗлисини бу ишқа һәрикәт қоллинишқа сәпәрвәр қилиши мумкин икән. Йәнә уйғурларни чәт әллик мусапирлар бәһримән болидиған түрләрдин бәһримән қилса, шундақла уларни "инсанпәрвәрлик нуқтисидин алаһидә көңүл бөлүшкә тегишлик кишиләр" дәп бекитсә болидикән, бундақ болғанда чәт әлдә туруватқан уйғурларму америка пуқраси болушқа илтимас суналайдикән. Һазир чәт әлдә яшаватқан көпинчә уйғурларниң әһвали америкадики уйғурларниң әһвалидинму қийин вә хәтәрлик икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт