Президент доналд трамп «уйғур кишилик һоқуқ сиясити қануни» ға имза қойди

Мухбиримиз әзиз
2020-06-17
Елхәт
Пикир
Share
Принт
Америка президент доналд трамп қанун лайиһәсигә имза қоюватқан көрүнүш. 2020-Йили 5-июн, вашингтон
Америка президент доналд трамп қанун лайиһәсигә имза қоюватқан көрүнүш. 2020-Йили 5-июн, вашингтон
AP

Йеқинда американиң авам вә кеңәш палаталирида бирдәк мутләқ аваз үстүнлүки билән мақулланған «2020-йиллиқ уйғур кишилик һоқуқ сиясити қанун лайиһәси» америка президенти доналд трампниң ишханисиға йоллап берилгән иди. 17-Июн күни чүштин кейин доналд трамп мәзкур қанун лайиһәсигә имза қоюп, буниң рәсмий қанун болғанлиқини җакарлиди.

Ақсарай ахбарат ишханисиниң шу күндики мәлуматида ейтилишичә, бу қанун лайиһәси әмди рәсмий қанунға айланған һәмдә уйғур дияридики зулумға шерик хитай әмәлдарлириға җаза бериш басқучиға өткән. Хәвәрдә «шинҗаңдики ғайәт зор кишилик һоқуқ дәпсәндичиликини әйибләш мәзмун қилинған бу қанун лайиһәси алаһидә тилға елинған бир қисим шәхсләргә җаза бериду» дейилиду.

Мәлум болушичә бу қанун лайиһәсидики җаза берилидиған кишиләр тизимликидә хитай компартийәси мәркизи комитети сиясий бюросиниң әзаси чен чүәнгониң болуши зор иҗабий әһмийәткә игә, дәп қаралмақта икән.

Мәзкур қанун лайиһисиниң рәсмий қанунға айланғанлиқи һәққидики хәвәр муһаҗирәттики уйғурларни зор хушаллиққа чөмдүрди. Болупму хитай һөкүмитиниң уйғур дияридики назарәт вә муқимлиқни техиму күчәйтидиғанлиқи һәққидики хәвәрләр оттуриға чиқиватқанда бу лайиһәниң рәсмий қанунға айлиниши көп қисим уйғурларни хушал қилди.

Америка хәлқара диний әркинлик комитетиниң комиссари нури түркәл бу һәқтә сөз қилип «президент трампниң бу қанун лайиһәсигә имза қоюши америка һәмдә уйғурлар үчүн унтулғусиз бир күн болди,» деди.

Пикирләр (0)
Share
Толуқ бәт