Yaponiye kiyim-kéchek shirketliri Uyghur élidin chiqidighan paxta mesiliside qéyin ehwalda qalghan

2021-09-23
Share

Yaponiye waqti géziti 23-séntebir tarqatqan bir xewiride, yaponiye kiyim-kéchek shirketlirining Uyghur élidin chiqidighan paxta mesiliside qéyin ehwalda qalghanliqini bildürgen.

Xewerde bayan qilinishiche, Uyghur élidin chiqidighan paxta ilgiri süpiti bilen dangq qazan'ghan bolsa, u hazir Uyghurlargha qaritiliwatqan basturushning we mejburiy emgekning simwoligha aylinip qalghanliqtin kiyim-kéchek shirketliri bu mesilide qéyin tallashqa duch kelgen.

Bolupmu yaponiyening kiyim markisi "Uniqlo" we "Muji" we "Mizuno" qatarliq markiliri buning biwasite tesirige uchrighan.

Amérikaning yéngi qa'idisige asasen, import qilghuchilarning özliri ishlitidighan paxtining Uyghur élidin chiqmighanliqini ispatlishi yéterlik emes bolup, ular ishlepchiqirishtin kéyinki sétish yolining her qandaq basquchidimu, Uyghur élidiki bingtu'enning héchqandaq qoli yoqluqigha kapaletlik qilishi kérekken.

Emma yaponiye soda da'irisining bir emeldari yaponiye waqti gézitige qilghan sözide "Hazir teminlesh zenjirliri dunyaning herqaysi jaylirigha tarqilip ketken bir shara'itta, uning bingtu'en bilen héchqandaq sodisi yoqluqini mutleq ispatlash asasen mumkin emes" dégen

Yuqiridiki shirketler bir mehel özlirining mehsulatlirida Uyghur élidin chiqidighan paxta yoqluqini ilgiri sürgen bolsimu, biraq kéyin yeni firansiyediki musteqil organ 4 kiyim-kéchek shirkitini erz qilip ularni mejburiy emgekke shérik bolghuchilar, dep eyibligendin kéyin uni étirap qilishqa mejbur bolghan.

Bu shirketler Uyghur élining paxtisini ishlitishni ret qilsa xitayning iqtisadiy jazasigha uchrap xitay tawar baziridin qoghlap chiqirilishtin qorqidiken, dawamliq ishlitiwérey dése amérikaning soda cheklimisige uchrashtin we étibarini yoqitip qoyushtin qorqidiken.

Xewerde éytilishiche, kiyim-kéchek we munasiwetlik bashqa shirketler nazuk qarar chiqirish bésimigha duch kéliwatqan bolup, ularning süküt qilishni tallash imkani yoqken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet