Uyghur putbol cholpini irfan hézimning qoyup bérilgenliki ilgiri sürüldi

Muxbirimiz erkin
2019-02-22
Share

2018‏-Yili etiyazda tutqun qilinip dörbiljindiki bir yighiwélish lagérigha solan'ghan ataqliq putbol cholpini irfan hézimning qoyup bérilgenliki we putbol kulubigha qaytip kelgenliki ilgiri sürüldi.

Xongkongdiki "Jenubiy xitay seher pochtisi" gézitining 22‏-féwral xewer qilishiche, irfan hézim ötken ayda qoyup bérilgen bolup, u lagérdin qoyup bérilgen az sandiki kishilerning biri iken. Irfan hézimning ötken yili tutqun qilinip, lagérgha qamilishi xelq'arada xéli zor ghulghula qozghighan. "Xelq'ara kespiy putbolchilar birleshmisi" bayanat élan qilip, xitay hökümitining qilmishini tenqid qilghan.

Bayanatta, uning derhal qoyup bérilishi, a'ilisi bilen jem bolushi we kespini eslige keltürüshige yol qoyulushi telep qilin'ghan idi.

Yerlik da'iriler uning ispaniye we ereb birleshme xelipilikige chiqqanliqi seweblik tutqun qilin'ghanliqini bildürgen. Chet'ellik yazghuchi we pa'aliyetchi géné bunin "Jenubiy xitay seher pochtisi" gzétige qilghan sözide, "Irfan hézimning namdar shexsler ichide hazirghiche qoyup bérilgenliki ashkarilan'ghan tunji kishi" ikenlikini bildürgen.

Amérika hökümitining ilgiri sürüshiche, nöwette 800 mingdin 2 milyon'ghiche Uyghur, qazaq we bashqa musulman milletler lagérlarda tutup turulmaqta iken.

Irfan hézim 2018‏-yili 2‏-ayda ghayib bolghandin kéyin u tunji qétim ötken ayda xitay ijtima'iy taratqulirida peyda bolghan. Emma uning qoyup bérilgenliki delillenmigen idi.

"Jenubiy xitay seher pochtisi" gézitining xewiride bayan qilinishiche, 18‏-féwral küni irfan hézim top oynaydighan jyangsu suning putbol kulubi xitay mikro blogida mezkur kulub putbolchilirining gu'angdungda meshiq qiliwatqan resimini élan qilghan. Resimlerning ikkiside irfanning süriti barliqi ilgiri sürülgen.

Közetküchilerning perez qilishiche, irfan hézimning qoyup bérilgenlikige da'ir xewerlerning yéqinda bashlinidighan b d t kishilik hoquq kéngishining yilliq yighini harpisida élan qilinishi diqqet qozghaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet