2-Nöwetlik "Uyghur amérika longqisi" putbol musabiqisi axirlashti

Muxbirimiz eziz
2016-06-01
Share

Muxbirimizning igilishiche, amérika we kanada tewelikidiki Uyghur perzentlirining tenterbiye éngini ashurush hemde herqaysi jaylarda yashawatqan Uyghur jama'iti otturisidiki birlikni kücheytish meqsitide ötken yilidin bashlap ötküzülüp kéliwatqan Uyghur amérika longqisi putbol musabiqisining 2016-yilliq chémpiyonluqni talishish musabiqisi 31-may küni kaliforniye shtatining los anzhélis shehiride ghelibilik axirlashti.

Melum bolushiche, bu qétimliq musabiqige qatnashqan 6 komanda ichidin tallan'ghan "Washin'gton d s Uyghur birliki" komandisi bilen "Boston‏-nyuyork" birleshme komandisi jiddiy élishish arqiliq axirida "Washin'gton d s Uyghur birliki" komandisi 4:0 netije bilen qarshi terepni yéngip, chémpiyonluqni qolgha keltürgen.

Igilishimizche, bu qétim chémpiyonluqni qolgha keltürgen "Washin'gton d s Uyghur birliki" komandisining ezaliri asasen amérikining wirjiniye we mariland shitatlirida olturushluq Uyghur perzentliridin teshkil tapqan bolup, mezkur musabiqe üchün aylarche japaliq meshiq qilghan. Mezkur komandining meshqawulluqini péshqedem putbolchi jür'et zahir üstige alghan bolup, ada dilshat komanda bashliqi wezipisini üstige alghan.

Musabiqini yéqin etraptiki Uyghur jama'iti we bashqa qiziqquchi kishilerdin nurghun tamashibinlar körgen we topchilargha qizghin medet bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.