Шималий америка уйғур яшлириниң фотбул мусабиқиси башланди

Мухбиримиз әркин
2015-06-12
Share

Шималий америка уйғур яшлириниң тунҗи нөвәтлик америка лоңқисини талишиш мусабиқиси америкиниң виргинийә штатида башланди. 3 Күнлүк мусабиқиниң ечилиш мурасими пәйшәнбә күни өткүзүлди. Тунҗи мәйдан мусабиқә җүмә күни кәч саәт 8:00 дә өткүзүлиду.

Мусабиқидә, канада торонто, бостун яшлири, виргинийә уйғур бирлики вә калифорнийә командиси чемпийонлуқни талишиду. Чемпийонлуқни талишиш мусабиқиси йәкшәнбә күни виргинийәниң лизбург шәһиридә өткүзүлиду.

Мәзкур мусабиқә дуня уйғур әркинлик лоңқисини талишиш мусабиқисиниң тәйярлиқ басқучи. Тунҗи нөвәтлик дуня уйғур әркинлик лоңқиси мусабиқиси 2013‏-йили голландийәдә өткүзүлгән. 2‏-Нөвәтлик әркинлик лоңқиси мусабиқиси түркийәдә өткүзүлгән иди.

3‏-Нөвәтлик әркинлик лоңқиси мусабиқиси бу йил 8‏-айда америкида өткүзүлмәкчи иди. Лекин хәвәрләрдин мәлум болушичә, нөвәттә, 3‏-нөвәтлик дуня әркинлик лоңқиси мусабиқисиниң саһипхани-виргинийә уйғур бирлики путбол кулуби дуня уйғур әркинлик лоңқисини келәр йили 6-айға кечиктүрүшни ойлашмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт