4‏-Нөвәтлик “америка уйғур лоңқиси” ни талишиш потбул мусабиқиси 4‏-июл башлиниду

Мухбиримиз әркин
2018.07.02
Share on WhatsApp
Share on WhatsApp

Шималий америкидики уйғурларниң 4‏-нөвәтлик “америка уйғур лоңқиси” ни талишиш потбул мусабиқиси 4‏-июл күни америкиниң вирҗинийә штатида башлиниду.

Мусабиқидә 7 команда чимпийонлиқни талишидикән. “америка уйғур лоңқиси” потбул мусабиқиси 2015‏-йили тәсис қилинған болуп, шуниңдин бери һәр йили америкиниң һәр қайси штатлирида нөвәт билән өткүзүлүп кәлмәктә. Өткән йилқи мусабиқә массачусетс штатиниң бостон шәһиридә өткүзүлүп, вирҗинийә штатидики “уйғур бирлики командиси” чемпийонлуққа еришкән иди.

Бу йилқи мусабиқә америкиниң вирҗинийә штатидики “тәклимакан уйғур потбул командиси” ниң саһибханилиқида өткүзүлидикән. Мусабиқә тәшкилий һәйитиниң билдүрүшичә, мусабиқә 4‏-июл күни башлинип, 8‏-июл күни ахирлишидикән.

Мусабиқидә вирҗинийә штатидики “уйғур бирләшмә командиси”, “тәклимакан уйғур потбул кулуби”, “мариланд уйғур потбул кулуби”, “канада уйғур боғда кулуби”, “лос-анҗелис уйғур потбул кулуби”, “сан-франсеско уйғур потбул кулуби” вә “бостон ню-йорк бирләшмә командиси” қатарлиқлар чимпийонлиқни талишидикән.

Игилинишичә, мусабиқидә чемпийонлуққа, 2‏-вә 3 ‏-ликкә еришкәнләргә мукапат берилгәндин башқа йәнә һәр бир путболчиға берилидиған хатирә медали, әң яхши путболчиға берилидиған “алтун топ” мукапати, әң яхши варитаға берилидиған “алтун пәләй” мукапати вә әң көп топ урған путболчиға берилидиған “алтун аяқ” мукапатлири тәсис қилинған икән.

Бу нөвәтлик мусабиқиниң саһипхани- “тәклимакан уйғур потбул командиси” ниң тренири ғәйрәт заһир дүшәнбә күни мухбиримизға мусабиқә һәққидә мәлумат берип, “биз бу мусабиқә арқилиқ дуняға уйғурларниң бирлик вә үмидварлиқ роһини, уларниң һәрқандақ шәкилдики бесим вә зулумға тиз пүкмәйдиғанлиқини намаян қилишни ойлаймиз,” деди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.