4‏-Nöwetlik "Amérika Uyghur longqisi" ni talishish potbul musabiqisi 4‏-iyul bashlinidu

Muxbirimiz erkin
2018-07-02
Share

Shimaliy amérikidiki Uyghurlarning 4‏-nöwetlik "Amérika Uyghur longqisi" ni talishish potbul musabiqisi 4‏-iyul küni amérikining wirjiniye shtatida bashlinidu.

Musabiqide 7 komanda chimpiyonliqni talishidiken. "Amérika Uyghur longqisi" potbul musabiqisi 2015‏-yili tesis qilin'ghan bolup, shuningdin béri her yili amérikining her qaysi shtatlirida nöwet bilen ötküzülüp kelmekte. Ötken yilqi musabiqe massachuséts shtatining boston shehiride ötküzülüp, wirjiniye shtatidiki "Uyghur birliki komandisi" chémpiyonluqqa érishken idi.

Bu yilqi musabiqe amérikining wirjiniye shtatidiki "Teklimakan Uyghur potbul komandisi" ning sahibxaniliqida ötküzülidiken. Musabiqe teshkiliy hey'itining bildürüshiche, musabiqe 4‏-iyul küni bashlinip, 8‏-iyul küni axirlishidiken.

Musabiqide wirjiniye shtatidiki "Uyghur birleshme komandisi", "Teklimakan Uyghur potbul kulubi", "Mariland Uyghur potbul kulubi", "Kanada Uyghur boghda kulubi", "Los-anjélis Uyghur potbul kulubi", "San-fransésko Uyghur potbul kulubi" we "Boston nyu-york birleshme komandisi" qatarliqlar chimpiyonliqni talishidiken.

Igilinishiche, musabiqide chémpiyonluqqa, 2‏-we 3 ‏-likke érishkenlerge mukapat bérilgendin bashqa yene her bir putbolchigha bérilidighan xatire médali, eng yaxshi putbolchigha bérilidighan "Altun top" mukapati, eng yaxshi waritagha bérilidighan "Altun peley" mukapati we eng köp top urghan putbolchigha bérilidighan "Altun ayaq" mukapatliri tesis qilin'ghan iken.

Bu nöwetlik musabiqining sahipxani- "Teklimakan Uyghur potbul komandisi" ning tréniri gheyret zahir düshenbe küni muxbirimizgha musabiqe heqqide melumat bérip, "Biz bu musabiqe arqiliq dunyagha Uyghurlarning birlik we ümidwarliq rohini, ularning herqandaq shekildiki bésim we zulumgha tiz pükmeydighanliqini namayan qilishni oylaymiz," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet