Sahibxana komanda ürümchide xelq'ara yashlar putbol musabiqisi bashlinipla 2 komandini utuwaldi

Muxbirimiz irade
2016-07-28
Share

2016-Yilliq "Tengritagh yilpizi longqisi yipek yoli xelq'ara yashlar putbol musabiqisi" 26-iyul küni ürümchide bashlan'ghan. Xelq torining xewiridin qarighanda, "Shinjang yashlar komandisi" 26-we 27-iyul küni oynighan ikki meydan musabiqining hemmiside utuwalghan.

Tunji meydan musabiqide "Shinjang yashlar komandisi" ispaniye "Ispaniyikler" potbul kulubi yashlar komandisi bilen musabiqiliship, 2 ge qarshi 3 netije bilen ispaniye yashlar komandisini utuwalghan. 27-Iyul küni ötküzülgen ikkinchi meydan musabiqide "Shinjang 17 yashliqlar komandisi"  komandidiki ghulam élining bir top kirgüzüshi netijiside junggo döletlik 17 yashliqlar komandisi üstidin ghelibe qilghan. Shinjang yashlar komandisining bu ghelibisi chet'ellerdiki Uyghurlarnimu hayajan'gha chömdürdi.

Uyghur yash-ösmürliri arisidiki putbolgha bolghan alahide qiziqish shuningdek Uyghur ösmürler komandilirining xitayning döletlik musabiqiliride netijilerge érishishi yillardin buyan diqqet qozghap kéliwatqan ehwal idi. Téxi yéqinda xitay metbu'atlirida tarqitilghan xewerlerde 5 neper Uyghur Uyghur ösmürning xitay döletlik 15 yashliqlar komandisigha tallan'ghanliqi we bir qisim Uyghur yashlirining dölet komandisi terkibide biraziliye qatarliq döletlerge meshiq qilishqa ewetilgenliki melum bolghan.

Tengritagh torining 25-iyul tarqatqan xewiridin qarighanda, aptonom rayonluq ma'arip nazariti "13-Besh yil" liq pilan layihesige asasen, 2020-yilighiche putbol alahidilikige ige mekteptin 900 ni quridiken we dölet meblighi bilen mekteplerde 200 din oshuq ölchemlik putbol meydani yasitidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.